Aŭstralijski tenisist Nik Kirjas upeŭniena pieramoh pieršuju rakietku śvietu siarod žančyn, biełarusku Arynu Sabalenku, u demanstracyjnym matčy pad nazvaj «Bitva pałoŭ». Jon vyjhraŭ sustreču, nie prajhraŭšy anivodnaha setu — 6:3, 6:3.
Pajadynak adbyŭsia ŭ Dubai i doŭžyŭsia 1 hadzinu 17 chvilin. Sabalenka, jakaja źjaŭlajecca čatyrochrazovaj pieramožcaj turniraŭ Vialikaha šlema, nie zmahła na roŭnych supraćstajać finalistu Uimbłdona-2022.
Matč prachodziŭ zhodna sa śpiecyjalnymi praviłami, stvoranymi dla bałansu siłaŭ. Kožnamu z udzielnikaŭ dazvalałasia tolki adna padača — biez druhoj sproby. Akramia taho, častka korta, na jakoj hulała Sabalenka, była pamienšanaja na 9% u paraŭnańni sa standartnym pamieram.
Abodva sety zhulali ŭ zvyčajnym farmacie — da šaści hiejmaŭ. U vypadku treciaha setu praduhledžvaŭsia taj-brejk da 10 vyjhranych bałaŭ zamiest paŭnavartasnaj partyi, adnak da jaho sprava nie dajšła.
Ciapier čytajuć
Žonka adhavorvała padpałkoŭnika DFR brać chabary, a toj kazaŭ: «Atrymaju pałkoŭnika — i na piensiju». Pieršaja piensija pryjšła ŭžo na aryštancki rachunak2020
Kamientary