U Minsku milicyja zatrymała kurjerku machlaroŭ i viarnuła hrošy piensijaniercy
69‑hadovaja minčanka źviarnułasia ŭ milicyju paśla taho, jak stała achviaraj ašukancaŭ. Spačatku joj patelefanavali nieviadomyja, jakija pradstavilisia supracoŭnikami słužby damofonaŭ. Pad vyhladam zamieny klučoŭ jany vymanili ŭ žančyny pašpartnyja źviestki, a paśla historyja atrymała praciah.
Paźniej u miesiendžary pažyłoj žančynie patelefanavali ŭžo nibyta siłaviki. Jany zapałochali piensijanierku tym, što jaje asabistyja danyja nibyta vykarystoŭvajucca dla niezakonnych finansavych apieracyj, a tamu pad pahrozaj vobšuku pierakanali «zadekłaravać» usie najaŭnyja hrošy, abiacajučy potym ich viarnuć.
Žančyna pavieryła i pieradała kurjercy 18 tysiač dalaraŭ.
Supracoŭniki milicyi vyśvietlili, što hrošy zabrała 58‑hadovaja minčanka, jakaja sama raniej trapiła ŭ pastku machlaroŭ. Jana pavieryła, što jaje kvateru nibyta pradali, uziała kredyt, pieraličyła afierystam bujnuju sumu, a paśla stała vykonvać rolu kurjerki.
Pa zadańni kuratara jana zabirała hrošy ŭ piensijanieraŭ dla nibyta dalejšaha dekłaravańnia i pavinna była vyvieźci ich u susiedniuju krainu. Adnak zrabić hetaha nie paśpieła — žančynu zatrymali. Hrošy kanfiskavali i viarnuli zakonnaj uładalnicy.
Pa fakcie zdareńnia zaviali kryminalnuju spravu.
Minčuka asudzili na 10 hadoŭ za machlarstva z pastaŭkaj aŭtamabilaŭ
Taksist u Minsku dapamoh zatrymać kurjera telefonnych machlaroŭ
Telefonnyja machlary pačynajuć zvanić ad imia paliklinik, pałochajučy epidemijaj hrypu
Minus $10 tysiač. Biełaruska vypłačvaje doŭh 14‑hadovaha syna, jaki staŭ kurjeram machlaroŭ
Kamientary