Budanaŭ ličyć, što Rasija rychtujecca da akupacyi krain Bałtyi ŭ najbližejšyja hady
«Raniej kazałasia pra 2030‑ty hod, zaraz płany skarektavanyja, pierahledžanyja ŭ bok skaračeńnia terminaŭ — na 2027 hod», — kaža kiraŭnik ukrainskaj raźviedki.
Kiraŭnik Hałoŭnaha ŭpraŭleńnia raźviedki Ministerstva abarony Ukrainy Kirył Budanaŭ zajaviŭ, što Rasija płanuje akupacyju krain Bałtyi i buduje płany na 2027 hod. Zajava Budanava padčas vystupu na mierapryjemstvie «Kłubu LB», piša «Ukrainskaja praŭda»
«Pavodle asnoŭnaha płana, RF pavinna była być hatovaja da pačatku dziejańniaŭ u 2030 hodzie. Zaraz płany skarektavanyja, pierahledžanyja ŭ bok skaračeńnia terminaŭ — na 2027 hod».
Kiraŭnik raźviedki ŭdakładniŭ, što havorka idzie pra akupacyju krain Bałtyi.
«Kab impieryja — a jany bačać siabie impieryjaj — raźvivałasia, ty zaŭsiody musiš kudyści ruchacca dla pašyreńnia svajho ŭpłyvu i terytoryi. Heta, darečy, adkaz na šmat pytańniaŭ. Na poŭnačy — tolki Paŭnočny Ledavity akijan i dalej za kołam — Amieryka. Nie varyjant, bo budzie baluča. Na ŭschodzie — Cichi akijan i znoŭ ža Amieryka. Adkaz toj samy. Na poŭdni — Kitaj, tam uvohule budzie katastrofa: suchaputnaja miaža, buduć takija ž umovy, jak u nas u vajnie z Rasijskaj Fiederacyjaj, tolki ŭžo dla ich. Zastajecca tolki zachad, jaki ŭ ich razumieńni, prabačcie za frazieałohiju, «zažraŭsia», «chvory», «kvoły» i «nierašučy», — skazaŭ jon
Adnačasova, pavodle słoŭ Budanava, Polšča ciapier, zhodna z płanami, jakija viadomyja ŭkrainskamu boku, razhladajecca vyklučna jak meta dla ŭdaraŭ RF — dla vajennaj kampanii biez zachopu terytoryi.
Ciapier čytajuć
Što viadoma pra byłoha palitviaźnia Sakałoŭskaha, jaki pamior u Bierlinie ŭ 47 hadoŭ1
Kamientary
Ja tak razumieju, z Ukrainaj jany da hetaha času ŭžo zakončać, ci heta budzie jašče adyn front?