Za palityku asudzili kandydatku bijałahičnych navuk, łaŭreatku stypiendyi Łukašenki dla talenavitaj moładzi
Kaciaryna Kalaśniova 10 hadoŭ adpracavała ŭ Akademii navuk.
U Minskim haradskim sudzie vynieśli prysud 46‑hadovaj kandydatcy bijałahičnych navuk Kaciarynie Kalaśniovaj. Daśledčycu sudzili pa č. 1 i 2 artykuła 361‑4 Kryminalnaha kodeksa — «sadziejničańnie ekstremisckaj dziejnaści». Heta moža być jak sprava Hajuna, tak i dapamoha palitviaźniam. Kaciaryna atrymała «chatniuju chimiju».
Kalaśniova naradziłasia ŭ Homieli. Skončyła bijałahičny fakultet Biełaruskaha dziaržaŭnaha ŭniviersiteta (2002) i pajšła pa navukovaj linii. U 2005 hodzie jana skončyła aśpiranturu Instytuta bijafiziki i kletačnaj inžynieryi Akademii navuk i zastałasia pracavać u instytucie — spačatku jak małodšy navukovy supracoŭnik, paśla jak staršy navukovy supracoŭnik.
U 2009 hodzie abaraniła kandydackuju dysiertacyju, u 2011 hodzie mieła stypiendyju Alaksandra Łukašenki dla talenavitych maładych navukoŭcaŭ.
Z 2015 da 2021 hoda Kalaśniova pracavała ŭ Navukova-praktyčnym centry hihijeny.
Maje bolš za 70 navukovych publikacyj.
«Naša Niva» — bastyjon biełaruščyny
PADTRYMAĆ
Kamientary