U Śvietłahorskim rajonie mužčyna trapiŭ pad kryminałku za žadańnie bačyć z doma raku
Mužčyna, jaki niadaŭna staŭ uładalnikam pryvatnaha doma ŭ vioscy Vasiloŭka Śvietłahorskaha rajona, niezakonna vysiek 186 dreŭ, kab lepš bačyć raku, i apynuŭsia pad śledstvam.
Ź infarmacyi Śledčaha kamiteta, u sakaviku hetaha hoda žychar Babrujska nabyŭ dom z učastkam kala raki Biarezina. Jon žyŭ i pracavaŭ u Maskvie i nadumaŭ «pryhoža aformić» svaju novuju majomaść: naniaŭ bryhadu dla rujnavańnia starych pabudoŭ i pabudovy novych, a taksama ŭparadkavańnia terytoryi za miežami svajho nadziełu — uładkavańnia hazona, plaža i pryčała.
Mužčyna nie mieŭ dazvołu na vysiakańnie dreŭ, ale daŭ zahad śpiłavać ich usie ad płota doma da bieraha raki, choć hetaja terytoryja adnosicca da ziamiel ahulnaha karystańnia i SUP «Michajłaŭskaje-ahra». U vyniku było źniščana 186 dreŭ roznych parod, a škoda, pryčynienaja asiarodździu, acenienaja na 12 975 rubloŭ.
Śledstva kvalifikavała dziejańni 45‑hadovaha žychara Babrujska pavodle artykuła 277 Kryminalnaha kodeksa Respubliki Biełaruś jak niezakonnaje vysiakańnie dreŭ z pryčynieńniem vialikaj škody. Mužčyna pryznaŭ vinu, kampiensavaŭ škodu i paprasiŭ vyzvalić jaho ad kryminalnaj adkaznaści.
Uličvajučy, što heta pieršaje złačynstva, jakoje nie niasie vialikaj hramadskaj niebiaśpieki, a taksama dobraachvotnaja kampiensacyja škody i ščyraje raskajańnie, prakuror dazvoliŭ spynić kryminalnuju spravu i pryciahnuć vinavataha tolki da administracyjnaj adkaznaści — štrafu.
Prakuratura pra śmierć Miełkaziorava: žurnalist mieŭ chraničnuju chvarobu17
Prakuratura pra śmierć Miełkaziorava: žurnalist mieŭ chraničnuju chvarobu
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli3535
Kamientary
jon nieadekvat, bo zrujnavać lubyja pabudovy mohuć miascovyja ałkanaŭty za adnu plašku harełki .
A voś "ŹNIEŚCI" pabudovy jany nia zdolejuć!
___
A "plac" siońnia ŭžo nie ŭžyvajecca zamiest "dzialanki"/"učastka"