Jak paviedamlaje pres-słužba HUUS Minharvykankama, 40‑hadovaha žychara stalicy zatrymali na haračym apieratyŭniki narkakantrolu Leninskaha RUUS sumiesna z supracoŭnikami pamiežnaj słužby. Padčas ahladu pa miescy jaho žycharstva było znojdziena bolš za adzin kiłahram narkatyčnaha rečyva — miefiedronu.
Pavodle źviestak viedamstva, mužčyna zabiraŭ bujnyja zakładki z narkotykami, u kvatery dzialiŭ ich na drobnyja dozy, paśla čaho raźmiaščaŭ u tajnikach u lesaparkavych zonach Minska. Sam zatrymany rastłumačyŭ, što niezakonnuju «padpracoŭku» znajšoŭ praz adnu z tematyčnych hrup u miesiendžary.
U dačynieńni da jaho raspačataja kryminalnaja sprava pavodle artykuła ab niezakonnym abarocie narkotykaŭ z metaj zbytu.
Miefiedron, pavodle adkrytych miedycynskich krynic, źjaŭlajecca sintetyčnym dyzajnierskim narkotykam. Jon utrymlivaje łabaratorna stvoranyja ałkałoidy hrupy katynonaŭ i maje mocnaje stymulacyjnaje ŭździejańnie na niervovuju sistemu. Z-za intensiŭnaha efiektu ŭ zaležnych ludziej chutka ŭźnikaje patreba pavialičvać dozu.
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii9
Kamientary