Hramadzianin Hruzii pryjechaŭ u Minsk, kab sustrecca z žančynaj, ź jakoj doŭhi čas kamunikavaŭ u internecie, adnak hetaja sustreča skončyłasia trahiedyjaj, raskazali ŭ Dziaržaŭnym kamitecie sudovych ekśpiertyz.
Padzieja adbyłasia naprykancy śniežnia. U adnoj ź minskich kvater było znojdziena cieła mužčyny 1958 hoda naradžeńnia. Jak vyśvietliłasia, napiaredadni jon prybyŭ u stalicu Biełarusi dziela asabistaj sustrečy ź internet-znajomaj.
Padčas znachodžańnia ŭ kvatery mužčynie raptoŭna stała drenna. Bryhada chutkaj dapamohi, jakaja prybyła na vyklik, užo nie zmahła jamu dapamahčy i tolki zafiksavała śmierć.
Dla vyśviatleńnia abstavin zdareńnia była praviedziena sudova-miedycynskaja ekśpiertyza. Jana pakazała, što pryčynaj śmierci stali ciažkija zachvorvańni sardečna-sasudzistaj sistemy — ateraskleroz aorty z utvareńniem anieŭryzmy brušnoha adździeła na fonie arteryjalnaj hipiertenzii. Chvaroba ŭskładniłasia razryvam ścienki aorty, unutranym kryvaciokam i značnaj strataj kryvi.
Ekśpierty adznačyli, što takija zachvorvańni časta praciakajuć bieź vidavočnych simptomaŭ i mohuć pryvieści da imhniennaj śmierci, u tym liku pad uździejańniem mocnych emocyj abo stresu.
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»8
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Kamientary