Ukraina i Rasija praviali čarhovy abmien ciełami zahinułych vajskoŭcaŭ
Ukraina i Rasija znoŭ praviali abmien ciełami vajskoŭcaŭ, jakija zahinuli padčas bajavych dziejańniaŭ. Pra heta zajavili Kaardynacyjny štab Ukrainy pa pytańniach vajennapałonnych i pamočnik prezidenta Rasii Uładzimir Miadzinski.
Pavodle paviedamleńnia ŭkrainskaha boku, u krainu viarnuli 1003 cieły zahinułych, jakija, jak zajaŭlaje Rasija, naležać ukrainskim vajskoŭcam. U toj ža čas Miadzinski paviedamiŭ, što Ukrainie pieradali 1000 ciełaŭ, a Rasii — 26.
Pahadnieńnie ab pieradačy ciełaŭ było dasiahnuta padčas pieramoŭ pamiž ukrainskaj i rasijskaj delehacyjami, jakija adbylisia ŭ mai i červieni hetaha hoda ŭ Stambule. Usiaho za hety čas Rasija pieradała Ukrainie bolš za 10 tysiač ciełaŭ zahinułych, a Ukraina Rasii — bolš za 200. Takaja roźnica, jak adznačajecca, moža być źviazanaja z tym, što rasijskija vojski na mnohich napramkach viaduć nastupleńnie, a tamu cieły zahinułych ukrainskich vajskoŭcaŭ čaściej zastajucca na terytoryjach, jakija kantraluje rasijski bok.
Ciapier čytajuć
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»1
Kamientary