Alena Łanskaja pryznałasia, što jejny baćka pamior ad karanavirusu ŭ razhar pandemii
Adbyłosia heta ŭ toj samy čas, kali va ŭsim śviecie prymali abmiežavańni dla taho, kab abaranić ludziej ad chvaroby. Łukašenka kavid nie pryznavaŭ i zaklikaŭ lačycca harełkaj dy traktaram.
Pa darozie na padrychtoŭčyja mierapryjemstvy da čarhovaha Usiebiełaruskaha narodnaha schodu, Alena Łanskaja raspaviała padpisčykam pra trahičnuju datu dla svajoj siamji.
Roŭna piać hadoŭ tamu ad karanavirusu pamior jaje baćka Michaił.
«U majoj pamiaci jość strašnyja dni, ich mała, ale jany adbirajuć častku dušy. Heta byŭ kavid, jaki tady nie razumieli, jak lačyć… A zaraz jaho amal nie isnuje. 17 śniežnia 2020 hoda ciabie nie stała, baćka. Usiaho 62…», — raspaviała Alena ŭ storys u instahramie.
Nahadajem: u toj samy čas byŭ akurat razhar pandemii, va ŭsim śviecie krainy ŭvodzili roznyja abmiežavańni — ad abaviazku nasić maski da łakdaŭna.
Biełaruskija ŭłady tady prosta i imknulisia zrabić vyhlad, što ŭ našaj krainie takoj prablemy nie isnuje. Statystyku zachvorvańniaŭ i śmiarotnaści chavali, nasić maski bajalisia navat čynoŭniki, kab nie vyklikać razdražnieńnie ŭ Łukašenki.
Sam ža Łukašenka nazyvaŭ dośvied inšych krain «karonapsichozam», dazvalaŭ sabie ździeklivyja vykazvańni ŭ dačynieńni da pamierłych ad COVID19 (jon padkreślivaŭ, byccam pamirajuć tolki ludzi z zališniaj vahoj i tyja, chto nie sačyŭ za zdaroŭjem).
Biełarusam palityk raiŭ lačycca harełkaj, łaźniaj dy traktaram.
Darečy, sama Alena Łanskaja adznačaje, što ŭžo praz čatyry dni paśla śmierci taty, 21 śniežnia 2020 hoda, davała solny kancert. Imavierna, śpiavačku nie vielmi chvalavała, kolki ludziej moža zarazicca COVID19 padčas jaje vystupu ŭ kancertnaj zali «Minsk» (raźličana pryblizna na 1300 miescaŭ).
«Ja nie prašu spačuvańnia i žalu, prosta budźcie vyšej za ziamnyja prablemy i na pieršy płan vynoście niešta vysokaje i duchoŭnaje. Toje, što napaŭniaje tvaju dušu», — padzialiłasia asabistym Alena Łanskaja.
Biełaruskija artysty napružylisia: z Novaha hoda jany nie zmohuć pracavać jak IP — pryjdziecca addavać dziaržavie bolš hrošaj
Kolki BT płacić ludziam, jakija zdymajucca ŭ masoŭcy na ich šou?
Siostram Hruździevym nie dazvolili vystupić na hałoŭnym forumie ŭ Dzień adzinstva, a padpisčyki zapadozryli ich u zdradzie
Maldyvy, Zanzibar i Italija: kudy paniesła adpačyvać prychilnikaŭ Łukašenki
Ci patrebnaja biełaruskaja mova tym, chto razmaŭlaje pa-rusku? Azaronak zadaŭsia takim pytańniem na STB, a vypusknik Akademii MUS prapanavaŭ zamianić uroki fakultatyvami4444
Kamientary