42 padzieńni bieśpiłotnikaŭ zafiksavanyja tolki ŭ Bresckaj vobłaści
U Bresckim abłvykankamie niadaŭna prajšła kaardynacyjnaja narada, pryśviečanaja «pavyšanym ryzykam, vyklikam i pahrozam dla nacyjanalnaj biaśpieki, źviazanym z praviadzieńniem na terytoryi Ukrainy «SVA».
«Biełpoł» atrymaŭ u rasparadžeńnie dakumient, jaki dazvalaje ŭbačyć realnuju karcinu taho, što adbyvajecca — i jana vyklikaje surjoznyja pytańni da dziejańniaŭ biełaruskaha režymu.
Zhodna z dakumientam, pačynajučy z 2025 hoda na terytoryi Bresckaj vobłaści zafiksavanyja 42 vypadki padzieńnia BPŁA, a taksama ich składovych častak. Asabliva turbuje toje, što try z hetych BPŁA byli snaradžanyja vybuchovymi rečyvami:
— adzin bieśpiłotnik zdetanavaŭ pry padzieńni,
— dva byli deaktyvavanyja sapiorami šlacham kantralavanaha padryvu.
Dakumient taksama paćviardžaje: materyjały pravierak pa faktach vyjaŭleńnia BPŁA znachodziacca na razhladzie va Upraŭleńni Śledčaha kamiteta pa Bresckaj vobłaści.
Na 1 śniežnia pavodle 27 materyjałaŭ pravierki było pryniataje rašeńnie ab admovie ŭ zaviadzieńni kryminalnaj spravy pa p. 1 č. 2 art. 29 KPK Respubliki Biełaruś — to bok za adsutnaściu składu złačynstva.
Padobnaje rašeńnie śledstva mahło pryniać tolki ŭ tym vypadku, kali prynaležnaść BPŁA da Uzbrojenych sił Rasii była dakładna ŭstanoŭlena.
Niahledziačy na pramuju pahrozu biaśpiecy hramadzian, režym nie vystaŭlaje Rasii nijakich pretenzij i robić usio, kab hetaja infarmacyja nie stała publičnaj. Padychod da rasśledavańnia padobnych zdareńniaŭ pakazvaje, što navat nadzvyčajnyja situacyi, jakija patencyjna mahli pryvieści da hibieli ludziej, buduć chavacca. Raspaŭsiudžvańnie infarmacyi, jakaja maje hramadskuju značnaść, pierakryvajecca luboj canoj.
Pavodle danych «Biełpoła», maštaby padzieńniaŭ BPŁA na Homielskim kirunku mohuć być jašče bolšyja, što robić prablemu sistemnaj.
Ciapier čytajuć
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy1717
Kamientary
Skotnyj dvor zaniat svoim vyživanijem i sochranienijem nahrablennoho za 31 hod, a nie biezopasnosťju nasielenija !