Tajłand nanios avijaŭdary pa kambadžyjskich vajennych celach na sprečnaj miažy dźviuch krain
Jon nazyvaje heta adkazam na napad kambadžyjskich vojskaŭ.
Pavodle tajłandskich danych, u niadzielu zahinuli dvoje tajłandskich sałdat i jašče čaćviora byli paranienyja, piša Bi-bi-si.
Kambodža admaŭlaje, što jaje vojski napadali na tajłandcaŭ. Jana śćviardžaje, što tajłandcy napali pieršymi, a kambadžyjcy ŭstrymalisia ad adkaznych dziejańniaŭ.
Karaleŭskaja armija Tajłanda ŭ paniadziełak zajaviła, što źniščyła funikulor, jaki byŭ zbudavany kambadžyjcami dla padvozu zbroi.
Pamiežnaja sprečka pamiž Kambodžaj i Tajłandam maje daŭniuju historyju, i čarhovaje abvastreńnie zdaryłasia ŭ lipieni, kali bai na miažy praciahvalisia piać dzion i zabrali dziasiatki žyćciaŭ.
Zatym baki padpisali pahadnieńnie ab spynieńni ahniu pry pasrednictvie Małajzii. Da hetych namahańniaŭ taksama padklučyŭsia prezident ZŠA Donald Tramp: jon patelefanavaŭ lidaram dźviuch krain i pryhraziŭ pierapynić taryfnyja pieramovy ź imi, kali bai nie spyniacca. U kastryčniku jon śpiecyjalna zrabiŭ prypynak u Małajzii, kab prysutničać pry padpisańni mirnaj dekłaracyi dźviuch krain.
Kambodža za hetyja namahańni naminavała Trampa na Nobieleŭskuju premiju miru i zajaŭlaje, što zastajecca prychilnaj jaho mirnaj «ździełcy»
Ciapier čytajuć
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?9
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara2121
Kamientary