Zialenski: Mirny płan ZŠA skaracili z 28 da 20 punktaŭ, ale ŭ Trampa ŭłasnaje bačańnie
Prezident Ukrainy Uładzimir Zialenski paśla sustrečy z kiraŭnictvam krain «kaalicyi achvotnych» u Łondanie raskazaŭ žurnalistam, na jakim etapie ciapier znachodzicca praca nad mirnym płanam.
«Było 28 punktaŭ, stała 20. Adkryta niepraŭkrainskija punkty adyšli. Nastroj amierykancaŭ, u pryncypie, za toje, kab znachodzić kampramis. Biezumoŭna, jość składanyja pytańni, jakija tyčacca terytoryi. Tam kampramis pakul nie znojdzieny», — paviedamiŭ Zialenski.
Pa jaho słovach, u prezidenta ZŠA Donalda Trampa jość «ułasnaje bačańnie» taho, jak pavinna skončycca vajna, jakoje adroźnivajecca ad ukrainskaha.
Prezident Ukrainy zajaviŭ, što prajekt mirnaha płana budzie dapracavany daradcami pa biaśpiecy Ukrainy i Jeŭrasajuza, a 9 śniežnia jaho pieradaduć ZŠA.
Što da vynikaŭ sustrečy z klučavymi jeŭrapiejskimi sajuźnikami, Uładzimir Zialenski skazaŭ:
«Siońnia my padrabiazna abmierkavali našu sumiesnuju dypłamatyčnuju pracu z amierykanskim bokam, uzhadnili ahulnuju pazicyju adnosna važnaści harantyj biaśpieki, rekanstrukcyi i nastupnych krokaŭ».
Pry hetym asobna pahavaryli pra dalejšuju abaronnuju padtrymku Ukrainy. Pa słovach Zialenskaha, «vielmi važnyja rečy na siońniašni dzień — heta adzinstva pamiž Jeŭropaj i Ukrainaj, a taksama adzinstva pamiž Jeŭropaj, Ukrainaj i Złučanymi Štatami».
Ahulnaj zajavy kiraŭnikoŭ krain «kaalicyi achvotnych» pa vynikach sustrečy jašče nie było. U Jelisiejskim pałacy, adnak, paćvierdzili, što padčas sustrečy ŭ Łondanie kiraŭniki Vialikabrytanii, Francyi, Hiermanii i Ukrainy zasiarodzilisia na tak zvanym mirnym płanie Donalda Trampa i pytańniach harantyj biaśpieki dla Ukrainy. Jak adznačajecca, hetaja praca «na etapie finalizacyi» i viadziecca daradcami pa nacbiaśpiecy «dla uzajemadziejańniaŭ pamiž jeŭrapiejskim, amierykanskim i ŭkrainskim bakami, jakija pavinny dazvolić uzmacnić zbližeńnie ŭ nastupnyja dni».
Ciapier čytajuć
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać5
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary
Eti s etimi,a eti - tak.
Vładimiru Sanyču łučšie otojti ot dieł,ibo každyj jeho šah chužie priedyduŝieho.