Toj samy Ihar ź Viciebska, jaki prastavaŭ napadpitku dachaty, zvolniŭsia z zavoda
Pra heta jon paviedamiŭ u sacsietkach.
«Voś i skončyŭsia čarhovy etap majho žyćcia. Para ruchacca dalej. Pastanova zvolnicca było pryniataja jašče miesiac tamu i nijak nie źviazana z apošnimi padziejami ŭ maim žyćci. Ale heta šaniec — šaniec źmianić svajo žyćcio da lepšaha. I ja ŭdziačny vam usim za jaho», — napisaŭ jon.
Narod zbolšaha pazityŭna pastaviŭsia:
- «Vinšuju! Niachaj usio atrymajecca!»
- «Byvaj, zavod, pryvitańnie kursy».
- «Ci nie prapanoŭvali pasadu ŭ adździele SMM?»
Zorka Ihara ŭzyšła nad biełaruskim niebaschiłam tydzień tamu, kali jon u sacsietkach paviedamiŭ, što na dobrym padpitku viartajecca dachaty. Toj dopis sabraŭ miljony prahladaŭ, a na Ihara abrynułasia słava i prapanovy.
Niadaŭna jon napisaŭ u Threads, što 11 śniežnia ad adnoj z turystyčnych kampanij jedzie ŭ Ciarybierku, što ŭ Murmanskaj vobłaści, — «palavać na paŭnočnaje źziańnie i kitoŭ».
Ciapier čytajuć
18‑hadovaha chłopca abvinavacili ŭ admaŭleńni hienacydu biełaruskaha naroda20
Kamientary
Davajcie rasśledavańnie, ad čaho našyja ludzi mruć, čamu ich padstaŭlajuć, čamu kinuli, kolki takich vypadkaŭ u cišy zdarajecca?
Maskovija, Murmanskaj vobłaść, Sievier, noč, palavańnie. Nu, usio syšłosia dla budučaho cyroza! Kabździec piečani, nyrkam i strauniku. Jany, maskavity, dla taho jaho i biaruć, što usich ich vypivoch na vajnie pierabili, dyk našy zapatrabavalisia.
Ja b na miescy jaho žonki, ci maci, loh popierak paroha i nikudy b jaho nie adpusciu.
P.S. Była b to Turcyja, Čechija, Manholija, Kitaj i h.d., to pytańniau by nie było, kali łaska, a tut takoje ...