42 падзенні беспілотнікаў зафіксаваныя толькі ў Брэсцкай вобласці
У Брэсцкім аблвыканкаме нядаўна прайшла каардынацыйная нарада, прысвечаная «павышаным рызыкам, выклікам і пагрозам для нацыянальнай бяспекі, звязаным з правядзеннем на тэрыторыі Украіны «СВА».
«Белпол» атрымаў у распараджэнне дакумент, які дазваляе ўбачыць рэальную карціну таго, што адбываецца — і яна выклікае сур’ёзныя пытанні да дзеянняў беларускага рэжыму.
Згодна з дакументам, пачынаючы з 2025 года на тэрыторыі Брэсцкай вобласці зафіксаваныя 42 выпадкі падзення БПЛА, а таксама іх складовых частак. Асабліва турбуе тое, што тры з гэтых БПЛА былі снараджаныя выбуховымі рэчывамі:
— адзін беспілотнік здэтанаваў пры падзенні,
— два былі дэактываваныя сапёрамі шляхам кантраляванага падрыву.
Дакумент таксама пацвярджае: матэрыялы праверак па фактах выяўлення БПЛА знаходзяцца на разглядзе ва Упраўленні Следчага камітэта па Брэсцкай вобласці.
На 1 снежня паводле 27 матэрыялаў праверкі было прынятае рашэнне аб адмове ў завядзенні крымінальнай справы па п. 1 ч. 2 арт. 29 КПК Рэспублікі Беларусь — то бок за адсутнасцю складу злачынства.
Падобнае рашэнне следства магло прыняць толькі ў тым выпадку, калі прыналежнасць БПЛА да Узброеных сіл Расіі была дакладна ўстаноўлена.
Нягледзячы на прамую пагрозу бяспецы грамадзян, рэжым не выстаўляе Расіі ніякіх прэтэнзій і робіць усё, каб гэтая інфармацыя не стала публічнай. Падыход да расследавання падобных здарэнняў паказвае, што нават надзвычайныя сітуацыі, якія патэнцыйна маглі прывесці да гібелі людзей, будуць хавацца. Распаўсюджванне інфармацыі, якая мае грамадскую значнасць, перакрываецца любой цаной.
Паводле даных «Белпола», маштабы падзенняў БПЛА на Гомельскім кірунку могуць быць яшчэ большыя, што робіць праблему сістэмнай.
Цяпер чытаюць
18‑гадовага хлопца абвінавацілі ў адмаўленні генацыду беларускага народа21
18‑гадовага хлопца абвінавацілі ў адмаўленні генацыду беларускага народа
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы99
Каментары
Скотный двор занят своим выживанием и сохранением награбленного за 31 год, а не безопасностью населения !