Канцэрты ўлюбёнца Пуціна і Z-расіян спевака Шамана (Яраслава Дронава) фармальна проста адклалі — але ажно на год, на снежань 2026 года.
Канцэрты Шамана былі запланаваныя ў гэтым месяцы ў Брэсце, Гродне і Гомелі. Але іх перанеслі — таксама на снежань, але ўжо наступнага, 2026 года.
«Наша Ніва» дазванілася да аператараў, якія займаліся продажам квіткоў. Ніводны з іх пакуль не ведае, у чым прычына пераносаў.
«Здавайце квіткі, калі не хочаце год чакаць, гэта ж яшчэ дажыць трэба», — адказалі ў адным з пунктаў продажаў.
У афіцыйных акаўнтах спевака таксама інфармацыі на гэтую тэму няма, а яго канцэртны дырэктар не адказвае. Пры гэтым на лістападаўскі канцэрт рускамірца квіткі ў Беларусі зусім не прадаваліся — давялося падключаць райвыканкамы.
На днях былі сарваныя канцэрты Z-артыста і ў Белгарадзе. Паводле словаў жонкі Шамана Кацярыны Мізулінай, «кіеўскія тэрарысты планавалі ракетны ўдар па месцы мерапрыемства».
«УСУ хацелі ўдарыць па пляцоўцы ў момант выканання на сцэне гімна Расіі», — была перакананая яна.
З найбліжэйшых выступаў у афішы Шамана выключна навагоднія аганькі ў Маскве і Санкт-Пецярбургу.
«Наша Нiва» — бастыён беларушчыны
ПАДТРЫМАЦЬЦяпер чытаюць
У Чэхіі малады беларус трапіў у кому — наглытаўся таблетак праз праблемы з легалізацыяй і разрыў з дзяўчынай20
Каментары