Прэзідэнт Украіны заявіў, што ўдзельнікі перамоў, якія абмяркоўваюць ініцыятыву ЗША, па-ранейшаму разыходзяцца ў меркаваннях наконт тэрытарыяльнага пытання, піша Bloomberg са спасылкай на тэлефоннае інтэрв’ю Зяленскага.
Ягоная заява прагучала пасля таго, як прэзідэнт ЗША Дональд Трамп выказаў расчараванне пазіцыяй Кіева наконт плана спынення вайны ва Украіне.
Элементы плана ЗША патрабуюць далейшага абмеркавання шэрагу «далікатных пытанняў», уключна з гарантыямі бяспекі для краіны, пацярпелай ад вайны, і кантролем над усходнімі рэгіёнамі, сказаў Зяленскі ў інтэрв’ю.
Паводле ягоных слоў, перамовы пакуль не прывялі да пагаднення аб Данбасе — Данецкая вобласць і Луганская вобласць.
Трамп заявіў, што Зяленскі нібыта не прачытаў амерыканскі план спынення вайны. «Мы размаўлялі з прэзідэнтам Пуціным і з украінскімі лідарамі, у тым ліку з прэзідэнтам Зяленскім, і мушу сказаць, што я быў крыху расчараваны, што прэзідэнт Зяленскі яшчэ не прачытаў прапанову — гэта было пару гадзін таму», — сказаў прэзідэнт ЗША.
Цяпер чытаюць
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы1818
Каментары