У Лідзе пабраліся шлюбам 15‑гадовыя хлопец і дзяўчына. Самай маладой маме Гродзеншчыны таксама 15
Чыноўнікі Гродзенскай вобласці расказалі, у якім узросце жыхары рэгіёна ствараюць сем'і, нараджаюць дзяцей і якія імёны выбіраюць для сваіх малых.
Самай маладой парай, якая пабралася шлюбам на Гродзеншчыне сёлета, сталі 15‑гадовыя жаніх і нявеста ў Лідзе. Пры гэтым сярэдні век жаніхоў у Гродзенскай вобласці складае 32 гады, а нявест — 30 гадоў.
У ліку жаніхоў і нявест ёсць і прадстаўнікі старэйшага пакалення — мужчына ва ўзросце 83 гадоў і жанчына 78 гадоў, піша «Гродзенская праўда».
Нямала ў 2025 годзе ў Гродзенскай вобласці і інтэрнацыянальных шлюбаў. Сярод жаніхоў і нявест — грамадзяне Латвіі, Казахстана, Малдовы, Гвінеі, Чэхіі, ЗША, Грузіі, Італіі і Сербіі. Лідарамі па колькасці заключаных шлюбаў з замежнікамі сталі грамадзяне Расіі: 69 жаніхоў і 70 нявест. Усяго ж за дзесяць месяцаў зарэгістравана 252 шлюбы з замежнымі грамадзянамі.
За дзесяць месяцаў 2025 года ў вобласці нарадзілася 4999 дзяцей — 2566 хлопчыкаў і 2433 дзяўчынкі. У 87 сем'ях на свет з'явілася двойня, а ў адной сям'і — адразу трайня. Першынцы з'явіліся ў 1931 сям'і, другія дзеці — у 1733, трэція — у 868. Ёсць і такія сем'і, у якіх нарадзілася шостае, сёмае і нават восьмае дзіця.
Сярэдні ўзрост бацькоў склаў 32 гады ў татаў і 29 гадоў — у мам. Самым маладым бацькам аказаўся 16‑гадовы юнак, самай юнай мамай — дзяўчына 15 гадоў. Самыя сталыя бацькі — тата 60‑ці гадоў і мама — 47 гадоў.
Самым папулярным імем для нованароджаных дзяўчынак стала Сафія — так назвалі 130 дзяцей. Крыху радзей сустракаюцца такія імёны, як Ева, Ганна, Варвара, Аліса і Эмілія. У ліку рэдкіх — Юна, Алімпія, Бажэна, Любава.
Сярод хлопчыкаў пальма першынства ў імя Міхаіл — яго выбралі для 159 нованароджаных. Папулярныя таксама Мацвей, Марк, Цімафей, Аляксандр і Арцём. А сярод рэдкіх мужчынскіх імёнаў можна сустрэць Антонія, Прохара, Радзівона і Томаша.
Цяпер чытаюць
Калеснікава: «Мяне шакуе маштаб нянавісці і агрэсіі». Марыя патлумачыла, што для яе значыць вяртанне да нармальнасці44
Калеснікава: «Мяне шакуе маштаб нянавісці і агрэсіі». Марыя патлумачыла, што для яе значыць вяртанне да нармальнасці
«Усведамляю, што магу стаць першай беларускай, якая наведае ўсе краіны свету». Падарожніца з Мінска размаўляе на 8 мовах і марыць пражыць 200 гадоў1010
Каментары
Ды не з маскалямі,
Маскалі - чужыя людзі,
Чыняць ліха з вамі.
(С) Янка Купала, пераклад паэмы "Кацярына" Тараса Шаўчэнкі /трошкі падкарэктаваны/
Вось так лезуць, курвы, да расійцаў ў жонкі (мужыкі), а тыя потым казацьмуць, што "мыодиннарод".