У выдавецтве Gutenberg Publisher выйшла адмысловая кніга для самых маленькіх «Бобрык, які любіць ваду» — кніжка-цацка, з якой можна купацца. Верш напісаў Андрэй Скурко, а прыдумала гісторыю і праілюстравала Дарына Харытончык, піша bellit.info.
«Бобрык, які любіць ваду» — кароткая мілая гісторыя пра зубастага бобрыка і яго сяброў бусліка і выдру, якія бавяцца ў рацэ. Бо вада — найлепшая забава: можна купацца, плюхацца, глядзець на рыбак, а цяпер — яшчэ і чытаць у вадзе кніжку!» — гаворыцца ў апісанні да кніжкі.
«Акей, вы не любіце, калі нехта называецца першым у нейкай тэме — але такой кніжкі па-беларуску сапраўды яшчэ не выпускалі!» — каментуюць выхад навінкі выдаўцы ў сацсетках і дадаюць, што ў Нью-Ёрку ў краме @litarkabooks кніжка ўжо прадаецца, а ў Польшчу толькі-толькі прыплыла і пакуль будзе ісці мытнае афармленне, на сайце gutenbergpublisher.eu дзейнічае спецыяльная цана.
У выдавецтве таксама патлумачылі, што ідэя выпусціць такую кніжку належыць беларусцы Марынэса Злучаных Штатаў, а выдавецтва Gutenberg Publisher дапамагло рэалізаваць праект.
Цяпер чытаюць
Мінск сёння вечарам пагрузіўся ў цемру. Пасля загаду Лукашэнкі29
Мінск сёння вечарам пагрузіўся ў цемру. Пасля загаду Лукашэнкі
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары