Каля заходняга ўзбярэжжа вострава Тэнэрыфе, што ў складзе Канарскіх астравоў, трох чалавек знесла велізарнай хваляй, яшчэ трое атрымалі раненні. Адзін чалавек лічыцца зніклым без вестак, паведамляе Bild.
Інцыдэнт адбыўся ўчора ўвечары каля папулярнага прыроднага басейна побач з Лос-Гігантэсам у муніцыпалітэце Санцьяга-дэль-Тэйдэ. Людзі, якія купаліся, былі як на скалах, так і ў вадзе, калі іх раптам накрыла магутная хваля і пацягнула ў мора.
«Верталёт марской выратавальнай службы падняў з вады аднаго чалавека і дастаў адно цела», — паведамілі службы экстраннай дапамогі Канарскіх астравоў.
Паводле звестак уладаў, загінулі двое мужчын і адна жанчына. Аднаму з мужчын было 35 гадоў, жанчыне — 55.
Яшчэ адна жанчына перажыла спыненне сэрца на скалах, але яе выратавалі з дапамогай гідрацыкла, рэанімавалі на беразе, а пасля верталётам даставілі ў бальніцу.
Цяпер чытаюць
Лукашэнка назваў патрабаванні і прэтэнзіі да Літвы: альтэрнатыўны ўрад, харугвы, порт, машыны для Зімбабвэ, санаторый23
Лукашэнка назваў патрабаванні і прэтэнзіі да Літвы: альтэрнатыўны ўрад, харугвы, порт, машыны для Зімбабвэ, санаторый
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы2424
Каментары