Ukrainskija padraździaleńni praviali manieŭr na pakroŭskim kirunku, kab nie dapuścić patencyjnaha akružeńnia i ŭrehulavać front. Pra heta 8 śniežnia paviedamiła vydańniu «Suśpilnie» krynica ŭ Uzbrojenych siłach Ukrainy, jakaja ŭdzielničaje ŭ abarončaj apieracyi ŭ Pakroŭskaj ahłamieracyi.
Manieŭr adbyŭsia ŭ rajonie sioł Łysaŭka i Suchi Jar: padraździaleńni, jak paviedamlajecca, pierajšli na bolš vyhadnyja pazicyi, što dazvoliła praduchilić mahčymaje akružeńnie i stabilizavać stanovišča na froncie. Apieracyja była zahadzia padrychtavanaja.
Pa infarmacyi apieratyŭnaha kamandavańnia «Uschod» za 8 śniežnia, ukrainskija vajskoŭcy adbili 53 ataki rasijskich vojskaŭ na roznych učastkach pakroŭskaha kirunku, uklučajučy Novaje Šachava, Novy Donbas, Bielickaje, Rodzinskaje, Čyrvony Liman, Pakroŭsk, Hryšyna, Mirnahrad i inšyja nasielenyja punkty.
U Pakroŭsku praciahvajucca pošukava-šturmavyja dziejańni i likvidacyja praciŭnika ŭ haradskoj zabudovie. Vorah sprabuje prasočvacca ŭ paŭnočnuju častku horada z dapamohaj tumanu, ale ŭsie sproby błakujucca i praciŭnik źniščajecca. Kala Mirnahrada ukrainskija padraździaleńni ŭtrymlivajuć abarončyja rubiažy i źniščajuć praciŭnika na padychodach da horada.
Akramia taho, arhanizavanyja dadatkovyja łahistyčnyja šlachi da Pakroŭska i Mirnahrada dla bieśpierabojnaha zabieśpiačeńnia padraździaleńniaŭ usim nieabchodnym.
Ciapier čytajuć
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy1616
Kamientary