Inšaziemcu nie ŭdałosia tajemna pravieźci ŭ Biełaruś vialikuju sumu hrošaj
U Breście na miažy ŭ adnaho inšaziemca znajšli vialikuju sumu schavanych hrošaj. Jon jechaŭ praz punkt propusku «Varšaŭski most» i abraŭ čyrvony kalidor, ale padčas pravierki vyśvietliłasia, što ŭ mašynie hrošaj značna bolš, čym paznačana ŭ dakumientach, paviedamlaje pres-słužba Hienieralnaj prakuratury.
Usiaho ŭ mužčyny akazałasia 133 tysiačy jeŭra i jašče nievialikaja suma ŭ inšaj valucie. Častku kupiur jon raskłaŭ pa asabistych rečach, častku schavaŭ u sałonie aŭtamabila, a ŭ dekłaracyi paznačyŭ tolki 70 tysiač jeŭra.
Pry hetym u čałavieka nie było dakumientaŭ, jakija paćviardžali b zakonnaje pachodžańnie navat zadekłaravanych hrošaj, tamu i pravierka była nadzvyčaj pilnaj.
Brescki transpartny prakuror dazvoliŭ uziać mužčynu pad vartu, uličvajučy vialikuju sumu schavanych hrošaj, abstaviny pajezdki i toje, što jon nie zmoh rastłumačyć pachodžańnie srodkaŭ.
Ciapier suprać jaho raspačali kryminalnuju sprava pavodle č.2 art. 228 Kryminalnaha kodeksa Biełarusi — za niezakonnuju pieravozku vialikich sum praź miažu JEAES. Pavodle pravił, treba dekłaravać lubuju sumu, bolšuju za ekvivalent 10 tysiač dalaraŭ, a toje, što sprabujuć schavać, ličycca parušeńniem.
Kamientary