Machlary prapanujuć praź internet nabyć techniku, «kanfiskavanuju na mytni»
Dziaržaŭny mytny kamitet źviarnuŭ uvahu na machlarskuju schiemu, jakaja ździajśniajecca praź internet ad imia hetaj struktury. Pavodle jaho paviedamleńnia, u instahramie źjaviŭsia čarhovy padrobleny akaŭnt, praź jaki ašukancy nibyta pradajuć bytavuju i kampjutarnuju techniku, «kanfiskavanuju na mytni».
Staronka pad nazvaj customs_belarus zroblena tak, kab vyhladać jak aficyjny profil mytnych orhanaŭ. U rekłamie prapanujuć smartfony, chaładzilniki, pralnyja mašyny i inšuju techniku pa vielmi nizkich cenach. Pakupnikam prapanujuć pierajści pa spasyłcy i zrabić zakaz z abaviazkovaj pieradapłataj.
Padobnaja schiema machlarstva zafiksavana i ŭ telehramie — u kanale pad nazvaj «Skład», dzie šmat padpisčykaŭ i publikujucca nibyta realnyja fota mytnych składoŭ. «Pradaŭcy» abiacajuć dastaŭku «da dźviarej», ale patrabujuć apłacić abo ŭsiu sumu, abo pałovu cany zahadzia. Paśla atrymańnia hrošaj jany źnikajuć i nie vychodziać na suviaź.
Mytnyja orhany nahadvajuć: jany tolki kanfiskujuć tavary, niezakonna zaviezienyja praź miažu, ale rašeńnie pra ich kanfiskacyju prymaje sud. Realizoŭvać takija tavary mohuć tolki arhanizacyi, zaćvierdžanyja Departamientam pa humanitarnaj dziejnaści pry Upraŭleńni spravami Łukašenki, a sama mytnia da hetaha dačynieńnia ŭžo nie maje.
Machlary vymanili ŭ žychara Baranavičaŭ 16 tysiač rubloŭ i adpravili pa dakumienty ŭ Kazachstan
U Homieli raskryli bujnuju schiemu machinacyj z taksamatornymi pieravozkami
Minčanka addała machlaram usie hrošy, ale sfatahrafavała 85‑hadovaha kurjera
Zamiežnaja firma atrymała ad biełaruskich pradpryjemstvaŭ 825 tysiač jeŭra, ale zakazu vykonvać nie źbirałasia
Kamientary