U Ratamcy rastłumačyli, čamu ŭładalnikam koniej nie praciahnuli damovy
Niekalki dzion tamu stała viadoma, što ciaham niekalkich dzion amal vysialajuć sotniu koniej, jakija ŭtrymlivajucca ŭ Respublikanskim centry alimpijskaj padrychtoŭki pa konnym sporcie i koniehadoŭli na płatnaj asnovie. Heta vyklikała vostruju reakcyju siarod ich uładalnikaŭ i šyroki rezanans u spartyŭnym asiarodździ.
Situacyju prakamientavaŭ «Prystaličču» namieśnik hienieralnaha dyrektara pa asnoŭnaj dziejnaści RCAP pa konnym sporcie i koniehadoŭli Uładzimir Krajeŭski.
— Štohod u Respublikanskim centry alimpijskaj padrychtoŭki pa konnym sporcie i koniehadoŭli zaklučajucca damovy na płatnaje akazańnie pasłuh pa ŭtrymańni koniej. Termin dziejańnia ciapierašnich damoŭ zakančvajecca 1 lipienia 2026 hoda. Zhodna z punktam 6.9 damovy, jana moža być praciahnutaja na novy termin paśla piśmovaha paviedamleńnia zakazčykam centra nie paźniej čym za 14 kalandarnych dzion da zakančeńnia terminu jaje dziejańnia. Pa stanie na 25 červienia ŭ centr nie pastupiła nivodnaj zajaŭki, padadzienaj va ŭstanoŭlenym paradku.
U suviazi z hetym, a taksama pa šmatlikich prośbach inšych uładalnikaŭ, jakija žadajuć raźmiaścić svaich koniej u centry, ab prazrystym i spraviadlivym zaklučeńni damoŭ na ich utrymańnie, kiraŭnictva centra razhladaje mahčymaść zaklučać takija damovy na konkursnaj asnovie.
Taksama budzie stvorana rabočaja hrupa, jakaja vypracuje miechanizmy spraviadlivaha i prazrystaha zaklučeńnia damoŭ na raźmiaščeńnie koniej z ulikam mierkavańniaŭ usich zacikaŭlenych bakoŭ, — adznačyŭ namieśnik hienieralnaha dyrektara pa asnoŭnaj dziejnaści RCAP pa konnym sporcie i koniehadoŭli Uładzimir Krajeŭski.
Deputatka, jakaja rychtuje pryhažuń dla Łukašenki, vyjšła zamuž23
Kamientary
Činovnik znajet połoživšieho hłaz, no skromno mołčit o niom.
Starym uładalnikam nie padpisali novyja ŭmovy bo chutčej za ŭsio tam kapiejki, zaraz “na konkursie” umova stanie załatoj.
vy chotitie čtoby obieśpiečiennyje ludi sodieržali svoich łošadok za sčiot płatielŝikov podochodnoho nałoha, uborŝicy Kłavy i prodavŝicy Vali? Raz jesť dieniuška na łošadok, to 1/10 stoimosti konika nado opłatiť za jeho sodieržanije, v hod.