U Homieli raskryli bujnuju schiemu machinacyj z taksamatornymi pieravozkami
U Homieli supracoŭniki Departamienta finansavych rasśledavańniaŭ Kamiteta dziaržaŭnaha kantrolu spynili bujnuju schiemu ŭchileńnia ad padatkaŭ u śfiery pasažyrskich pieravozak.
Try žychary Homiela stvaryli sietku fiktyŭnych firmaŭ, aformlenych na padstaŭnych asob. Aficyjna hetyja kampanii nibyta zajmalisia prahramavańniem, aptovym handlem ci znosam budynkaŭ, ale nasamreč praź ich prachodzili hrošy ad šaści firmaŭ taksi z Homiela i Mahilova.
Pavodle materyjałaŭ śledstva, na firmach ličyłasia kala 400 aŭtamabilaŭ i 550 kiroŭcaŭ. Pamiž «padstaŭnymi» i sapraŭdnymi kampanijami padpisvalisia fiktyŭnyja damovy arendy mašyn. Hrošy, atrymanyja za pieravozki, pieraličvalisia na rachunki fiktyŭnych arhanizacyj, paśla čaho zdymalisia najaŭnymi i dzialilisia pamiž udzielnikami schiemy. Častku srodkaŭ vykarystoŭvali dla vypłat zarobkaŭ «u kanviertach», astatniaje išło na asabistyja patreby arhanizataraŭ.
U vyniku biudžet niedaličyŭsia kala 3,7 miljona rubloŭ. Pa fakcie machlarstva zaviedziena piać kryminalnych spraŭ, usie troje arhanizataraŭ zatrymanyja.
U Biełarusi płanujuć istotna źmienšyć sumu padarunkaŭ, jakaja nie abkładajecca padatkami
Piensijanierka šmat hadoŭ źbirała hrošy na kvateru, kab paśla aščaślivić imi «siabroŭ pa pierapiscy»
«Asnoŭny instrumient — hienietyčnaja ekśpiertyza». U Śledčym kamitecie raskazali, jak raskryvajuć zabojstvy daŭno minułych hadoŭ
Handlovyja chitryki: jak pradaŭcy mianiajuć krainu pachodžańnia tavaraŭ
Palaki kuplajuć damy ŭ Biełarusi — cikaviacca, ci chopić na žyćcio jeŭrapiejskaj piensii, i radujucca śmiešnym vydatkam9
Kamientary