2 lipienia Łukašenka nakirujecca ŭ Indanieziju ź dziaržaŭnym vizitam. Zaraz u Indaniezii znachodziacca ministr zamiežnych spraŭ Maksim Ryžankoŭ, vice-premjer Viktar Karankievič, a ŭ Džakarcie adkryŭsia indaniezijska-biełaruski biznes-forum.
30 červienia Ryžankoŭ sustreŭsia ź ministram zamiežnych spraŭ Indaniezii Suhijona ŭ ramkach padrychtoŭki vizitu Łukašenki.
«Padčas sustrečy ministry abmierkavali padrychtoŭku majučaha adbycca dziaržaŭnaha vizitu, u tym liku šerah dvuchbakovych dakumientaŭ i pahadnieńniaŭ, jakija płanujecca padpisać u jaho ramkach. Abodva baki vykazali ŭdziačnaść za ciesnuju kaardynacyju pamiž svaimi ministerstvami i viedamstvami, jakaja zabiaśpiečyła paśpiachovuju padrychtoŭku vizitu», — havorycca ŭ pres-relizie Ministerstva zamiežnych spraŭ Indaniezii.
Try tydni tamu Łukašenka ŭ intervju kanału «Al-Arabija» kazaŭ, što mahčyma ŭ najbližejšy čas palacić u Indanieziju.
«Z Vjetnamam u nas dobryja adnosiny, z Mjanmaj. Ź Indaniezijaj (voś moj nastupny vizit tudy budzie) niadrennyja adnosiny vybudavalisia, my tudy i pradajem, i technałohii našy jany prosiać», — kazaŭ jon.
Łukašenka znachodzicca ŭ Kitai ź niadzieli.
Ciapier čytajuć
Trahiedyja z 30‑hadovaj doktarkaj sa Starobina — pajšła vydalać zub mudraści i pamierła23
Kamientary