Minskaja krama pradavała jołačnyja šary ź piśmieńnikami. Prapahandysty ŭbačyli partret Hienijuš i nalacieli
Ciapier krama paru dzion časova nie pracuje.
Niadaŭna «Kaladnaja krama» ŭ Minsku pačała pradavać sieryju jołačnych šaroŭ z partretami biełaruskich piśmieńnikaŭ i aśvietnikaŭ. Siarod ich Vasil Bykaŭ, Francysk Skaryna, Janka Kupała, Maksim Bahdanovič, Uładzimir Karatkievič i inšyja. Była i Łarysa Hienijuš.
Apošniaja cacka i pryciahnuła ŭvahu prapahandy, jakaja zmahajecca z pamiaćciu pra Hienijuš, što była achviaraj stalinskich represij.
Prapahandystka BT Ksienija Lebiedzieva aburyłasia «jołačnymi šarami z partretam nacystki».
«Moža, my navahodnija cacki z vyjavaj Hiebielsa pačniom pradavać?» — napisała Lebiedzieva.
Nalacieli i inšyja, naprykład Ryhor Azaronak.
U vyniku šar z paetkaj źniali z prodažu. A sama krama abviaściła ŭ sacsietkach, što 16 i 17 listapada časova nie pracuje «praz techničnyja pryčyny».
Kamientary