Kiroŭca Tesla naśmierć źbiŭ padletka ŭ Homieli. Jakoje pakarańnie vynies sud?
DTZ zdaryłasia 8 žniŭnia kala 21:00 na 1‑m km aŭtadarohi R150 «Homiel — Chutar». Zahinuŭ padletak-piešachod.
33‑hadovy kiroŭca aŭtamabila Tesla ździejśniŭ najezd na 16‑hadovaha rovary, jaki pierasiakaŭ prajezdžuju častku darohi pa nierehulavanamu piešachodnamu pierachodu, — raspaviali ŭ DAI Homielskaj vobłaści.
Padletak ad atrymanych traŭmaŭ pamior u balnicy. 33‑hadovamu kiroŭca inkryminavana parušeńnie praviłaŭ darožnaha ruchu, što pa nieaściarožnaści paciahnuła śmierć čałavieka, piša Onliner.by.
— Na padstavie č. 2 st. 317 pryznačana pakarańnie ŭ vyhladzie pazbaŭleńnia voli na termin 5 hadoŭ z pazbaŭleńniem prava zajmacca dziejnaściu, źviazanaj z kiravańniem transpartnymi srodkami ŭsich katehoryj, na termin 5 hadoŭ, — raspaviała słužba infarmacyi prakuratury Homielskaj vobłaści.
Tam dadali, što ŭ sudovym pasiadžeńni mužčyna pryznaŭ svaju vinu ŭ poŭnym abjomie. U karyść paciarpiełych u iakaści kampiensacyi maralnaj škody jon dobraachvotna ŭnios 50 000 rubloŭ. Adznačajecca, što abvinavačany nieadnarazova pryciahvaŭsia da administracyjnaj adkaznaści za parušeńni PDR.
Prysud u zakonnuju siłu nie ŭstupiŭ, moža być abskardžany i apratestavany ŭ apielacyjnym paradku.
Kamientary