U narviežskim horadzie Stavanhier z halerei sučasnaha mastactva BGE vykrali skulpturu koštam kala 150 tysiač narviežskich kron (prykładna $15 tysiač). Prapažu zaŭvažyli tolki praź piać dzion paśla zdareńnia.
Pa infarmacyi narviežskaha infarmacyjnaha ahienctva NTB, kradziež adbyŭsia 4 listapada, ale supracoŭniki pabačyli adsutnaść ekspanata tolki 9 listapada, pravieryŭšy zapisy z kamier nazirańnia. Videa pakazała, što dziejańni ździajśniali dva čałavieki: adzin naziraŭ zvonku, druhi prajšoŭ praz bakavyja dźviery, zabraŭ skulpturu i vynies jaje z budynka.
Kiraŭnictva halerei ŭpeŭniena, što kradziež byŭ naŭmysny i dobra spłanavany: złamyśniki viedali, dzie znachodzicca ekspanat, i jak uładkavana pamiaškańnie. Skulptura naležyć viadomamu narviežskamu mastaku Kjelu Eryku Kili Alsenu, tvory jakoha znachodziacca ŭ viadučych muziejach i pryvatnych kalekcyjach pa ŭsim śviecie.
Paśla vyjaŭleńnia prapažy halereja źviarnułasia ŭ palicyju Stavanhiera, jakaja zaviała kryminalnuju spravu. Pakul asoby padazravanych nie ŭstanoŭleny, śledčyja razhladajuć roznyja viersii — ad vypadkovaha kradziažu da zakazu pryvatnaha kalekcyjaniera.
U Nacyjanalnym mastackim muziei vystava da 120‑hodździa Andreja Biembiela, zasnavalnika biełaruskaj škoły skulptury
Fanaty Tejłar Śvift navadnili muziej u Hiermanii, kab pabačyć karcinu, da jakoj śpiavačka zrabiła adsyłku ŭ svaim novym klipie
Pad Minskam chočuć stvaryć muziej kryžoŭ pad adkrytym niebam. Znajšłosia miesca i dla vusataj baby
Parolem ad kamier videanazirańnia ŭ abrabavanym Łuŭry było słova «Łuŭr»
Biełaruski architektar pabyvaŭ u Stakholmie i zastaŭsia ŭ poŭnym zachapleńni — nie ad bahaćcia, a ad pradumanaści i raznastajnaści
Kamientary