У нарвежскім горадзе Ставангер з галерэі сучаснага мастацтва BGE выкралі скульптуру коштам каля 150 тысяч нарвежскіх крон (прыкладна $15 тысяч). Прапажу заўважылі толькі праз пяць дзён пасля здарэння.
Па інфармацыі нарвежскага інфармацыйнага агенцтва NTB, крадзеж адбыўся 4 лістапада, але супрацоўнікі пабачылі адсутнасць экспаната толькі 9 лістапада, праверыўшы запісы з камер назірання. Відэа паказала, што дзеянні здзяйснялі два чалавекі: адзін назіраў звонку, другі прайшоў праз бакавыя дзверы, забраў скульптуру і вынес яе з будынка.
Кіраўніцтва галерэі ўпэўнена, што крадзеж быў наўмысны і добра спланаваны: зламыснікі ведалі, дзе знаходзіцца экспанат, і як уладкавана памяшканне. Скульптура належыць вядомаму нарвежскаму мастаку К’елю Эрыку Кілі Альсэну, творы якога знаходзяцца ў вядучых музеях і прыватных калекцыях па ўсім свеце.
Пасля выяўлення прапажы галерэя звярнулася ў паліцыю Ставангера, якая завяла крымінальную справу. Пакуль асобы падазраваных не ўстаноўлены, следчыя разглядаюць розныя версіі — ад выпадковага крадзяжу да заказу прыватнага калекцыянера.
У Нацыянальным мастацкім музеі выстава да 120‑годдзя Андрэя Бембеля, заснавальніка беларускай школы скульптуры
Фанаты Тэйлар Свіфт наваднілі музей у Германіі, каб пабачыць карціну, да якой спявачка зрабіла адсылку ў сваім новым кліпе
Пад Мінскам хочуць стварыць музей крыжоў пад адкрытым небам. Знайшлося месца і для вусатай бабы
Паролем ад камер відэаназірання ў абрабаваным Луўры было слова «Луўр»
Беларускі архітэктар пабываў у Стакгольме і застаўся ў поўным захапленні — не ад багацця, а ад прадуманасці і разнастайнасці
Беларускія рэпетытары ў паніцы: праз праблемы «Яндэкса» яны могуць страціць матэрыялы, якія напрацоўвалі гадамі27
Каментары