U telehram-kanałach biełaruskich čynoŭnikaŭ dazvolena tolki zachaplacca. Krytyčnyja reakcyi pad zabaronaj
Vydańnie BGmedia vyvučyła telehram-kanały abłvykankamaŭ i rajvykankamaŭ Biełarusi. Akazałasia, što sumnyja abo krytyčnyja reakcyi tam pad zabaronaj.
U aficyjnych telehram-kanałach biełaruskich orhanaŭ ułady sumavać zabaroniena. Nijakich «palec uniz», «haŭniašak» ci navat niejtralnych smajlikaŭ — tolki radaść, honar i tryumf.
Manitorynh BGmedia pakazaŭ: dla čynoŭnikaŭ hałoŭnaje, kab u kamientarach panavała atmaśfiera ŭsieahulnaha «adabramsu», a niezadavolenaść rastvarajecca ŭ sercajkach i ahieńčykach.
Brest: možna amal usio, Viciebsk i Mahiloŭ: radaść pa statucie
Brescki abłvykankam akazaŭsia samym libieralnym — tut možna ździŭlacca, śmiajacca i navat źlohku iranizavać. Praŭda, stroha abmiežavana: «palec uniz» abo «kłoŭna» nie zavieźli.
Taja ž karcina i ŭ haradskim kanale «Lubimyj Briest». Smutak i sarkazm — pad zabaronaj.
U telehram-kanale Viciebskaha abłvykankama karystalniki mohuć tolki zachaplacca abo, u krajnim vypadku, «uziać pad kazyrok». Dla raznastajnaści dadali «ździŭlenyja vočy» i čyrvona-zialony ściažok — patryjatyzm u reakcyjach abaviazkovy.
U Mahiloŭskaha harvykankama krychu viesialej — dastupnaje «ździŭleńnie», a ŭ kanale «Isačienko onłajn» (kanał staršyni abłvykankama) vybar ścisnuli da čatyroch knopak: «sercajka», «łajk», «ahieńčyk» i «apładysmienty». Apładysmienty — heta važna.
Hrodna: trochi «bolu», Homiel: śviata bieź pierapynku
Hrodzienski abłvykankam dazvoliŭ try niehatyŭnyja emocyi z šasnaccaci: «palec uniz», «uzarvany mozh» i navat «niama cenzurnych słoŭ». Zdajecca, heta maksimum frondy, na jakuju advažylisia čynoŭniki.
Haradski kanał akazaŭsia kudy stražejšy: tolki radaść, sercajki i pieramožnyja smajliki.
Homielski abłvykankam prapanavaŭ až 16 reakcyj, ale nivodnaj navat niejtralnaj. Tolki tryumf, radaść i zachapleńnie.
Kanał staršyni harvykankama «Vładimir Privałov. Oficialno» taksama trymaje marku — usie siem reakcyj vyklučna pazityŭnyja.
Centralny rajon Homiela dla raznastajnaści dazvoliŭ adnu sumnuju knopku — «płaču». Astatnija — radaść i viesiałość.
Minski harvykankam akazaŭsia samym «strymanym» na emocyi — tut nie pastaviš naohuł ničoha. Navat «hanarusia» ci «tryumfuju». Poŭnaje maŭklivaje zachapleńnie.
Jak i ŭ kanale «Puł Piervoho» (sami viedajecie čyj kanał). Tut taja ž schiema: reakcyi adklučanyja, čytajcie i zachaplajciesia moŭčki.
Vyniki takija: samyja skupyja na emocyi čytačoŭ, akramia «supierskvapnych», jak u Minsku — mahiloŭskija i hrodzienskija ŭłady.
Rajony: ad «haŭniaški» da «vybuchu mozhu»
U rajonach fantazija čynoŭnikaŭ pa-svojmu kreatyŭnaja. Pietrykaŭski rajon dazvalaje tolki radaść i zachapleńnie,
Kobrynski — šyroki śpiektr, ale biez «palca ŭniz».
Ščučynski rajvykankam niečakana pajšoŭ suprać płyni i prajaviŭ dzivosnuju kreatyŭnaść — dadaŭ smajlik «haŭniaška».
Jelski — abmiežavaŭsia dvanaccaćciu varyjantami, praktyčna ŭsie pazityŭnyja.
A Łuniniecki akazaŭsia samym śmiełym: tut dazvolili i «ŭzryvać mozh», i vykazvać emocyju «niama cenzurnych słoŭ».
Dziaržava prosić u biełarusaŭ padzialicca svaim bačańniem raźvićcia krainy na piać hod napierad — možna ananimna i biez rehistracyi
Ci padaražeje kamunałka da kanca hoda? Čynoŭniki abnadzieili
Va Uźbiekistanie bolš za 2000 čynoŭnikaŭ zamianiajuć štučnym intelektam
Dziaržvydańnie razmazała pradprymalnika-łukašysta, jaki praz tyktok skardziŭsia Łukašenku na miascovyja ŭłady
U Stolinie da jubileju horada adkryli skvier biez travy i drevaŭ, ale ź mietaličnym stałom
U Biełarusi znajšli kopiju šviejcarskich Alpaŭ — ale turystaŭ tam nie čakajuć2
Kamientary
Takich i ŭ aficyjozie chapaje, naprykład, kryminalnyja naviny, niekrałohi, hadaviny vajennych padziej, infiekcyi i h.d.