Čynoŭniki raskazali, ci płanujuć pavyšać taryfy na kamunalnyja pasłuhi da kanca 2025 hoda.
U hetym hodzie taryfy na kamunalnyja pasłuhi pavyšać nie buduć. Takuju zajavu zrabiŭ načalnik upraŭleńnia kamunalnaj haspadarki i enierhietyki Ministerstva žyllova-kamunalnaj haspadarki Alaksiej Fiłanovič.
Taryfy na kamunalnyja pasłuhi ŭstaloŭvajuć abłvykankamy i Minharvykankam pa ŭzhadnieńni z MARH. A arhanizacyi na miescach pracujuć užo stroha pa ŭstanoŭlenych taryfach, piša BiełTA.
«U hetym kalandarnym hodzie źmianieńniaŭ taryfaŭ nie płanujecca, što dazvalaje zachoŭvać stabilnaść u apłacie pasłuh dla nasielnictva», — zajaviŭ Fiłanovič.
Akramia taho, jon zapeŭniŭ, što čynoŭniki i kantralory sočać za vykanańniem taryfnaj palityki.
Kamunałka sioleta daražeła dvojčy. 1 studzienia žyroŭki paciaželi na 17 rubloŭ 5 kapiejek. A 1 červienia padaražeła aciapleńnie — prykładna na 10%.
Kamientary