Płanavany ŭ Maskvie rasijska-arabski samit, jaki Uładzimir Pucin anansavaŭ jašče ŭ mai i na jaki zaprašaŭ usich kiraŭnikoŭ krain Lihi arabskich dziaržaŭ, u vyniku nie adbudziecca. Jak paviedamlaje Bloomberg, mnohija klučavyja lidary admovilisia jechać, a tamu sustreču daviałosia admianić.
Mierapryjemstva pavinna było prajści 15 kastryčnika i stać adnym z hałoŭnych źniešniepalityčnych krokaŭ Kramla. Pucin raźličvaŭ pakazać Zachadu, u tym liku Donaldu Trampu, što Rasija maje ŭpłyŭ i padtrymku ŭ arabskim śviecie.
Adnak z 22 kiraŭnikoŭ dziaržaŭ zaprašeńnie pryniali tolki niekalki — u tym liku novy prezident Siryi Achmied aš-Šaraa i kiraŭnik Lihi arabskich dziaržaŭ Achmied Abul Hiejt. Tym časam hałoŭnyja fihury rehijonu — naśledny prync Saudaŭskaj Aravii Muchamied bien-Salman, prezident AAE Muchamied ibn Zaid Al Nachajan i prezident Jehipta Abdel Fatach as-Sisi — nie paćvierdzili ŭdzieł.
U Kramli zajavili, što samit adkładajecca nibyta praz pačatak «urehulavańnia situacyi ŭ Hazie pa płanie Trampa». Pavodle aficyjnaj viersii, mnohim kiraŭnikam «ciažka asabista pryjechać u Maskvu ŭ ciapierašnich umovach».
Niahledziačy na rasčaravańnie, u Rasii spadziajucca pravieści sustreču paźniej. Ale ekśpierty adznačajuć, što ŭpłyŭ Maskvy na Blizkim Uschodzie słabieje — paśla padzieńnia siryjskaha režymu Bašara Asada i ŭciokaŭ jaho ŭ Rasiju.
Palitołahi ličać, što Pucin chacieŭ prademanstravać, byccam Rasija — častka «suśvietnaj bolšaści», ale biez padtrymki arabskich dziaržaŭ heta vyhladaje sumnieŭna.
Izrail aficyjna pahadziŭsia na pieramirje ŭ Hazie. Vyzvaleńnie zakładnikaŭ moža pačacca ŭ paniadziełak
Sud u Haazie pryznaŭ vinavatym u vajennych złačynstvach u Darfury kolišniaha lidara sudanskaha apałčeńnia
U Siryi prachodziać pieršyja vybary paśla źviaržeńnia Asada
CHAMAS pryniaŭ asnoŭnyja pałažeńni płana Trampa i pahadziŭsia adpuścić usich zakładnikaŭ
Kamientary