Što čuvać u Sofji Sapiehi? Voś što my daviedalisia ŭ jaje siabroŭ
U 2021 hodzie samalot Ryanair, u jakim lacieli Sofja Sapieha razam z Ramanam Pratasievičam z Afin u Vilniu, byŭ prymusova pasadžany ŭ Minsku. Maładych ludziej źniali z rejsa i aryštavali. Pratasieviča ŭ vyniku asudzili na 8 hod pa spravie Nexta, ale dziakujučy pamiłavańniu navat nie dajechaŭ da kałonii. Sofji dastałasia 6 hod za datyčnaść da telehram-kanała «Čornaja kniha Biełarusi», ź jakich u kałonii jana praviała hod, paśla čaho była vyzvalenaja pa pamiłavańni.
Sofja naradziłasia ŭ Uładzivastoku, tamu maje rasijskaje hramadzianstva. Paśla vyzvaleńnia jaje advieźli ŭ Rasiju.
Adrazu paśla hetaha dziaŭčyna palacieła ŭ Dubaj, a potym u Tajłand na adpačynak. Sofja viadzie cichi, niemiedyjny ład žyćcia. Ale praź jaje znajomych «Naša Niva» zmahła daviedacca, jak u jaje spravy.
Chadzili čutki, što Sofja sustrakajecca z maładym čałaviekam. Novyja adnosiny sapraŭdy byli, ale nie tak daŭno para razyšłasia.
Što tyčycca Pratasieviča, to Sapieha daŭno kazała, što «Romy dla jaje bolš nie isnuje». Paśla pamiłavańnia chłopiec zastaŭsia ŭ Biełarusi i znoŭ syšoŭsia sa svajoj byłoj žonkaj — farmaceŭtkaj i ekstrasensam Marharytaj Hryckievič, ale i druhi ich šlub doŭha nie pratrymaŭsia. Nieŭzabavie ankieta eks-redaktara Nexta źjaviłasia na sajcie znajomstvaŭ.
Čytajcie taksama: Sofja Sapieha: Pratasieviča dla mianie bolš nie isnuje
«Safija kazała, što daŭno adpuściła padziei tych hod. Romu joj vyklučna škada. Jana vučycca žyć u novych realijach i imkniecca mienš čytać naviny», — padzialiŭsia znajomy dziaŭčyny.
Sapieha znachodzicca za miažoj, «u biaśpiecy», i ciapier aktyŭna šukaje sabie pracu.
«A jašče jana zaviała ščaniuka i z zadavalnieńniem zajmajecca jaho hadavańniem», — raspavioŭ surazmoŭca.
-
Łukašenka na pieramovach u Amanie ŭstaviŭ takoje słova, što pierakładčyca na arabskuju razhubiłasia
-
U Lidzie pabralisia šlubam 15‑hadovyja chłopiec i dziaŭčyna. Samaj maładoj mamie Hrodzienščyny taksama 15
-
«U płanie byli jašče niekalki krain». Maršrut Łukašenki składali tak, kab nie nadta biła pa zdaroŭi
Raptoŭna pamior Uładzimir Usier — niemałady aktyvist, jaki ŭlapaŭsia ŭ film BT i špijanaž u Polščy29
Kamientary
Pakaleńnie - dajcia hrošaj!....