Dziaŭčyna pakazała, jak znajomić ź Biełaruśsiu chłopca ź Izraila — hetyja śmiešnyja videa ablacieli internet
Biełaruska Nastaśsia Kniaź źjechała ŭ Izrail. Ciapier jana sustrakajecca ź miascovym chłopcam i raspaviadaje ŭ sacsietkach, jak sioleta znajomiła jaho ź biełaruskaj realnaściu. Jaje videa ź sieryi «dating belarusian» źbirajuć sotni tysiač prahladaŭ.
Zvyčajna ŭ pieršaj častcy videa žartaŭlivych rolikaŭ Nastaśsia pakazvaje, jak vandruje z kachanym pa roznych krainach, naviedvaje šykoŭnyja restarany i pje vino la mora — heta prosty ŭzrovień «daiting belarusian».
A voś składany ŭzrovień — jechać razam u elektryčcy, katacca na atrakcyjonie «Rakuška» i navat dapamahać pryvodzić u paradak mohiłki.
Tut, kaniečnie, nie zdahadacca, što sa śpisu było samym składanym dla zamiežnika.
Zdajecca, što izrailcianin, jakoha zavuć Dor, zusim nie suprać takich pryhod na radzimie svajoj dziaŭčyny. Kamientatary ŭ instahramie taksama ŭ zachapleńni.
Najbolš papularny kamientaryj, jaki nabraŭ bolš za 2800 łajkaŭ, taki: «Nie viedaju, da čaho vy jaho rychtavali, ale jon hatovy».
U Biełarusi Dora taksama navučyli źbirać hryby dy kapać bulbu, pakazali vielizarnyja BiełAZy. A ŭ Niaśvižy Nastaśsia razam z kachanym pieraapranułasia ŭ staražytnyja sukienki i špacyravała na fonie pałaca, abmachvajučysia viejerami.
Dor niekalki miesiacaŭ vyvučaŭ ruskuju movu, kab razmaŭlać sa svajakami svajoj dziaŭčyny. I dakładna skaryŭ babulu Nastaśsi, kali staranna napisaŭ na papiercy: «Babuška, ja lublu tiebia».
A voś maci dziaŭčyny jon šakavaŭ svaim viedańniem alternatyŭnych słoŭ. Chacieŭ zrabić kamplimient zapiakancy, jakuju pryhatavała žančyna, i vydaŭ: «Raz**b». Maci zasmuciłasia: «Skažy jamu, što tak havaryć nielha!»
Jak žurnalistka «Našaj Nivy» šukała paru na pravasłaŭnym sajcie znajomstvaŭ. Padkaciŭ i Tałaj
Drama ŭ Minsku: dziaŭčynie padaryli 151 ružu nie taho pamieru
«Spačatku pahražaŭ suicydam, a potym dasyłaŭ porna»: što byvaje, kali sprabuješ zrabić pieršaje spatkańnie apošnim
«U ispancaŭ pryniata chutka pieravodzić znajomstva ŭ łožak». Biełaruski raskazvajuć, čym adroźnivajucca spatkańni za miažoj
Kamientary
A kakošnik, kažuć, pajšoŭ ad kurycy(kokoš'), chacia ja liču, što ad kakieš(kokiešnik').