Drama ŭ Minsku: dziaŭčynie padaryli 151 ružu nie taho pamieru

Błohierka, jakaja viadzie tyktok pad nikam olyadorogaya, zapisała vielmi emacyjnaje videa:

— 151! Ja nikoli nie razumieła bukieteryi: čamu vy pichajecie ŭ bukiet sa 151 ružy takija voś malupuśki?! Vy pahladzicie, jaki jon maleńki! Ja XS pamieru. Čałaviek, kali zakazvaje 151 ružu, jon choča, kab heta byŭ vializny, pyšny bukiet.

@olyadorogaya Pokriču na vas niemnožiečko ok??? #minsk #bukiet #101roza ♬ original sound - Ola, dorohaja

Volha dadała, što bolš za ŭsio joj škada mužčyn, jakija ščyra žadajuć zrabić kachanaj pryjemnaje: bačać na sajcie bukiet sa 151 ružy (jaki kaštuje prystojna), zakazvajuć jaho i dumajuć: «Jana nikoli takich vielizarnych bukietaŭ nie atrymlivała, ciapier jana prosta budzie ŭ šoku!» A błohierka atrymlivała — tamu dla paraŭnańnia vykłała fota z bukietam sa 101 ružy pravilnaha, na jaje pohlad, pamieru ŭ jakaści dokazu.

Pavialičyć

Dziaŭčyna źviazałasia i z kramaj, jakaja źbirała złaščasny bukiet.

— Ja im napisała: «A čamu taki maleńki bukiet?!» I jany takija: «A my nie viedali, što vam patrebny byŭ pyšny».

Usiaho za dzień rolik nabraŭ bolš za 712 tysiač prahladaŭ i kala 89 tysiač łajkaŭ.

U kamientaryjach vyśvietliłasia, što za bukiet mužčyna Volhi zapłaciŭ kala 200 dalaraŭ.

Źjavilisia i supracoŭnicy fłarystyčnych kram — navat z roznych krain. Jany sprabavali rastłumačyć, što ŭ jaje bukiecie kienijskija ružy — hetyja kvietki sapraŭdy majuć nievialikija butony, a daŭžynia ściabła kala 40 santymietraŭ. I całkam łahična, što bukiet ź ich nie atrymajecca takim vialikim, jak z ekvadorskich ruž, u jakich vialikija butony i toŭstaje ściabło daŭžynioju kala 100 santymietraŭ. Ceny na hetyja sarty ruž taksama vielmi adroźnivajucca.

Niechta z kamientatarak napisaŭ, što kachany Volhi prosta vyrašyŭ na joj zekanomić: pabačyŭ, što adzin bukiet sa 151 ružy kaštuje značna tańniej za inšy, i zamoviŭ pieršy. Heta vyklikała chvalu abureńnia ŭ błohierki:

«Jak biazhłuzda vyhladajuć takija kamientaryi na fonie taho, jaki tam realna mužčyna, jakomu ŭsio roŭna 100 dalaraŭ ci 500. Nie va ŭsich mužčyny ałkašy, jakija dorać adnu ružu ŭ cełafanie».

@olyadorogaya Replying to @user3409962452127 bukiet 151 rozy dołžien byť pyšnym. A nie iz Kienijskoj rozy. Vsie. #minsk #bukiet #101roza #dieńhi #rec ♬ original sound - Ola, dorohaja

Dziaŭčyna navat zapisała jašče adno videa, kab pierakanać aŭdytoryju, što na joj nie mahli zekanomić.

— Dziaŭčaty ŭ kamientaryjach stali pisać: «Ekvadorskaja była b u dva razy daražejšaj, kali chacieli pyšny bukiet». Dziakuj, zajuš! Nie viedała. Nikoli nie atrymlivała 101 ružy narmalnaj, ujaŭlaješ?! Niekatoryja pisali, što mužčyna sprabavaŭ na mnie zekanomić. Dziaŭčaty, daj boh, kab na vas tak ekanomili z bukietami pa 200 dalaraŭ!

Darečy, u tyktok-akaŭncie Volhi jeść videa z davoli darahimi padarunkami ad kachanaha. Pra svajho mužčynu dziaŭčyna paviedamiła: «Jon biełarus i nie stary!!!»

Cikava, što toj samy bukiet dziaŭčyna, padobna, atrymała ŭ padarunak na 14 lutaha — i vykłała ź im niekalki videa ŭ tyktoku. Ale voś aburycca nakont pamieru vyrašyła čamuści praz dva tydni.

• 1
• 1
• 38
• 143
• 3
• 11
• 24
• 1