Estonija prosić svaich hramadzian ustrymacca ad pajezdak u Biełaruś
Estoncaŭ zaklikali ŭličvać ryzyki padčas pajezdak u Biełaruś. Ułada papiaredziła pra mahčymyja apytańni i zatrymańni, a taksama pra składanaści z atrymańniem konsulskaj padtrymki, paviedamlaje ERR.
Ministerstva zamiežnych spraŭ Estonii źviarnułasia da svaich hramadzian ź pieraściarohaj adnosna pajezdak u Biełaruś. Padstavaj stali šmatlikija vypadki, kali estoncaŭ spyniali na miažy, apytvali abo zatrymlivali ŭnutry krainy.
«Było dastatkova šmat vypadkaŭ i na miažy, i ŭnutry Biełarusi, kali z našymi hramadzianami ŭstupali ŭ kantakt, ich apytvali abo zatrymlivali, jak i hramadzian inšych krain ES. Padčas znachodžańnia tam situacyja moža stać nadzvyčaj niepryjemnaj dla našych hramadzian», — skazała pradstaŭnik MZS Estonii Anhieła Saar-Raaman.
Pavodle słoŭ pradstaŭnicy MZS, u vypadku ŭźniknieńnia prablem u Biełarusi atrymańnie dapamohi z boku estonskich dypłamataŭ uskładnienaje.
«Z 20 maja 2024 hoda ŭ estonskaj dypmisii ŭ Biełarusi niama dypłamata, i biełaruskaha dypłamata ŭ Estonii taksama niama. U nas taksama niama ŭ Biełarusi konsuła. Padčas pajezdki ŭ Biełaruś varta ŭličvać, što pradastaŭleńnie konsulskaj dapamohi moža zaniać značna bolš času, čym zvyčajna, abo ŭvohule być niemahčymym», — rastłumačyła Saar-Raaman.
Kamientary