Praz ataki na rasijskija NPZ biełaruski bienzin viarnuŭsia na rynak RF
Biełaruski bienzin znoŭ pradajecca na biržy ŭ Sankt-Pieciarburhu na fonie deficytu paliva ŭ Rasii.
Paśla praciahłaha pierapynku, jaki doŭžyŭsia amal hod — z vosieni 2024 hoda, Biełaruś znoŭ pačała pradavać bienzin praz Sankt-Pieciarburhskuju mižnarodnuju tavarna-syravinnuju biržu. Jak paviedamlaje RBK, heta adbyłosia na fonie vysokaha popytu i niezapłanavanych prypynkaŭ pracy naftapierapracoŭčych zavodaŭ u Rasii.
Pavodle danych biržy, ź lipienia pa vierasień było pradadziena kala 100 tysiač ton biełaruskich naftapraduktaŭ — na 36% bolš, čym za toj ža pieryjad minułaha hoda.
Tolki za vierasień prodažy bienzinu vyraśli na 168% u paraŭnańni z žnivieńskimi abjomami, a dyzielnaha paliva — na 83%.
Pastaŭki ź Biełarusi majuć niepastajanny charaktar i časta zaležać ad situacyi na rynku. Na hety raz, piša RBK, ich aktyvizacyja supała z rostam napružanaści na ŭnutranym rynku paliva ŭ Rasii. Ekśpierty adznačajuć, što dola biełaruskich pastavak u ahulnym abjomie nievialikaja, ale jany adyhryvajuć važnuju rolu ŭ likvidacyi łakalnych prablem.
Viartańnie biełaruskaha bienzinu na rasijski rynak stała mahčymym praź biezupynnyja ataki ŭkraincaŭ na rasijskija NPZ.
Kamientary
Voś i zaraz nichto nie daść im istotna zarablać. Pakinuć paru kapiejek na ścipłyja zarobki i moža jašče štości na amartyzacyju, i dosyć, bo SVA i ŭsio dla fronta, usio dla pieramohi. A budziecie brykacca - na Družbu kala rasiejska-biełaruskaj miažy prylaciać "ukrainskija" drony i zastanieciesia tady sa svaimi bahaćciami z reštkaŭ paleskaj nafty, jakuju varvarski vypampavali jašče pry savietach.