Staŭka pa novych kredytach na novabudoŭli na miesiac źmianšajecca da 13,75% — staŭka refinansavańnia plus 4 pracentnyja punkty.
U kastryčniku Biełarusbank zapuskaje kredytnuju akcyju — kredyt na novabudoŭli (jakija budujucca i jakija ŭžo hatovyja) ad zabudoŭščykaŭ možna budzie ŭziać pad staŭku refinansavańnia (9,75%) plus 4 pracentnyja punkty. To-bok havorka idzie kredyt pad 13,75%.
Pra heta paviedamiła błohierka Natalla Litoŭskaja. Pa jaje słovach, aficyjnaja abjava ad banka čakajecca zaŭtra
«Takoha, zdajecca, u sučasnaj historyi jašče nie było», — adznačaje jana.
Na hety momant staŭki ŭ Biełarusbanku dla tych, chto staić u čarzie na palapšeńnie žyllovych umovaŭ, składajuć 13,5% pry kupli ŭ zabudoŭščykaŭ i 14,5% pry kupli ŭ fizičnych asobaŭ.
A voś dla tych, chto nie maje lhotaŭ, staŭka trymałasia na ŭzroŭni 16,4-17,4%.
Źnižeńnie staŭki na 2,65 pracentnych punktaŭ možna vyhladać niaznačnym, ale ŭ pieraliku na 20 hadoŭ heta daje značnuju ekanomiju. Pierapłata źnižajecca prykładna na 37 tysiač rubloŭ na 100 tysiač kredytu.
Ciapier čytajuć
23‑hadovy achoŭnik z Astraŭca zahinuŭ za Rasiju na vajnie. Pavajavaŭ jon, vidać, kala miesiaca15
Kamientary