30 vieraśnia ŭ Paryžy zahinuŭ pasoł Paŭdniova-Afrykanskaj Respubliki Nkasinaci Emanuel Mtchietva. Jaho znajšli miortvym pad voknami hatela, dzie jon vypaŭ z 22‑ha paviercha, piša Le Parisien.
Dypłamat pierad hetym ličyŭsia źnikłym: jahonaja žonka źviarnułasia ŭ palicyju paśla taho, jak atrymała ad muža tryvožnaje paviedamleńnie.
Dypłamat, jakomu 58 hadoŭ, pierastaŭ vychodzić na suviaź u druhoj pałovie dnia 29 vieraśnia. Słužba biaśpieki pasolstva paviedamiła ab źniknieńni tolki ŭviečary. Ułady pačali rasśledavańnie i apytali najbližejšaje asiarodździe pasła.
Pasolstva PAR znachodzicca na nabiarežnaj Arse niepadalok ad rezidencyi francuzskaha MZS. Apošni sihnał z telefona Mtchietvy byŭ zafiksavany na zachadzie horada. Śledstva razhladaje roznyja viersii jaho źniknieńnia.
Mtchietva byŭ pryznačany pasłom PAR u Paryžy ŭ lutym 2024 hoda. U pieryjad z 2009 pa 2014 hod jon zajmaŭ pasadu ministra pa spravach palicyi, a zatym uznačalvaŭ Ministerstva sportu, mastactva i kultury.
Kamientary