Kačanava: Kab narmalna žyć, treba pracavać i naradžać. Pahladzicie na Uźbiekistan
Natalla Kačanava zaklikała matyvavać biespracoŭnych da pracy. I pryviała niezvyčajny prykład dla naśledavańnia.
U Minabłvykankamie abmierkavali, jak prymusić biespracoŭnych znajści pracu. Na pasiadžeńni prysutničała śpikier Savieta Respubliki Natalla Kačanava. I jana vykazała niekalki mierkavańniaŭ.
Kačanava daručyła Minabłvykankamu navieści paradak u bazie danych «darmajedaŭ». I znajści rašeńnie, jak matyvavać ich da pracy, piša «MP».
«Ja prapanuju Minskaj vobłaści ŭnieści vašy prapanovy pa matyvacyi hetych ludziej da pracy. Zadača nie prostaja, ale heta treba rabić. Bo dziaržava biare na siabie vialikija sacyjalnyja harantyi. Takich harantyj, badaj, niama ni ŭ adnoj krainie», — vykazała mierkavańnie čynoŭnica.
Formuła dobraha žyćcia pa Kačanavaj hučyć tak: treba pracavać i naradžać. U prykład tut top-čynoŭnica pryviała Uźbiekistan.
«Ja ŭsim pryvodžu prykład Uźbiekistana. Tam u hod naradžajecca 1 miljon, i nijakich dekretnych adpačynkaŭ da troch hadoŭ niama. U nas jość dobry sacpakiet. Ludzi pavinny razumieć, kab narmalna žyć, treba pracavać i hadavać novaje maładoje pakaleńnie biełarusaŭ», — adznačyła Kačanava.
Jana taksama zaklikała adpuskać ludziej letam na pracu ŭ aharodach.
«Kali čałaviek zajmajecca aharodnictvam i nie pracuje, to heta adno. Ja niadaŭna była ŭ Łunincy na pryvatnym pradpryjemstvie. U letni pieryjad dyrektar daje ludziam adpačynak u pieryjad zboru kłubnicaŭ, bo, pracujučy na pradpryjemstvie, jany zarablajuć dadatkova. Ja dumaju, u Minskaj vobłaści nie mienš pracazdolnyja i pracavityja ludzi. Treba padumać, što zrabić, kab biespracoŭnych matyvavać pracavać», — skazała Kačanava.
Jak rychtavaŭsia vizit Cichanoŭskaj u Kijeŭ i čamu jon niekalki razoŭ pieranosiŭsia12
Kamientary