Cichanoŭskaja: Rytoryka Trampa adnosna Łukašenki niepryjemnaja dla nas, ale jana dazvalaje vyzvalać ludziej
Miakki padychod prezidenta ZŠA Donalda Trampa ŭ znosinach z dyktatarami ciapier raspaŭsiudziŭsia i na Biełaruś. Ale, jak skazała biełaruskaja demakratyčnaja lidarka Śviatłana Cichanoŭskaja ŭ intervju vydańniu Politico, heta nie abaviazkova kiepska.
«Kali hetaja rytoryka — viadoma, jana niepryjemnaja dla nas — dapamoža vyzvalać ludziej, to heta narmalna, — skazała Cichanoŭskaja padčas sustrečy z žurnalistam Politico kala Hienieralnaj Asamblei AAN u Ńju-Jorku. — Prezident Tramp vykarystoŭvaje hetyja «morkvački», kab damahčysia vyzvaleńnia palitviaźniaŭ. Heta jaho tranzakcyjny padychod da prablemy, i my pavinny skarystać hety momant».
Choć viartańnie Łukašenki na mižnarodnuju arenu i zasmučaje jahonych biełaruskich apanientaŭ, Cichanoŭskaja, jakaja niekalki miesiacaŭ tamu zaklikała Trampa «pakarać» minskaha aŭtakrata, havoryć, što ciopłyja žesty ŭsio ž majuć sens, kali palitviaźniaŭ vypuskajuć na svabodu.
U toj ža čas kamanda Cichanoŭskaj ciapier ličyć, što najlepšyja mahčymaści abaraniać svabodu Biełarusi ciapier maje Jeŭropa sa svajoj ćviordaj pazicyjaj.
«Jeŭrapiejskija sankcyi i ćviordaja, pryncypovaja pazicyja — heta, movaj prezidenta Trampa, ich karty, — skazała Cichanoŭskaja. — Ciapier prezident Tramp hulaje svaimi kartami, ale jeŭrapiejskija pavinny być vykarystanyja dla niezvarotnych i paśladoŭnych źmien u Biełarusi».
Cichanoŭskaja pierachapiła Trampa ŭ kułuarach AAN i padziakavała za vyzvaleńnie palitviaźniaŭ
Cichanoŭskaja pavinšavała Sandu ź pieramohaj na parłamienckich vybarach u Małdovie
Cichanoŭskaja ŭ Ńju-Jorku parazmaŭlała z Karalem Naŭrockim VIDEA
Cichanoŭskaja: Ja vielmi radaja, što pasažyrskaje złučeńnie pamiž Biełaruśsiu i Polščaj adnovicca
«Anlifanščyca ź Pinska» kaža, što jana nie anlifanščyca i nie ŭ rabstvie ŭ Mjanmie6
Kamientary
Nu a čysta praktyčna — sucelnaja škoda. Rastarhavali dyktatara, ciapier u jaho pramy stymuł sadžać jak maha bolš ludziej. Navošta ŭvieś hety cyrk patrebny Trampu — my razumiejem. A navošta heta treba niekatorym dziejačam biełaruskaj emihracyi??? Tolki dziela samapijaru svajoj psieŭda-dziejnaści.