U Kitai aŭstralijski film puścili ŭ prakat źmienienym z dapamohaj štučnaha intelektu. Hiej-paru pieratvaryli ŭ hieterasieksualnuju

Jak piša BBC, 12 vieraśnia ŭ Kitai prajšli papiarednija pakazy aŭstralijskaha filma «Razam» (Together). Heta byŭ abmiežavany start pierad šyrokim prakatam, jaki musiŭ adbycca 19 vieraśnia. Ale ŭžo paśla hetych pakazaŭ hledačy zaŭvažyli, što niekatoryja sceny ŭ viersii dla kitajskaha prakatu adroźnivajucca ad aryhinała.

Stužka — mistyčny bodzi-chorar aŭstralijskaha režysiora Majkła Šenksa z Dejvam Franka i Elisan Bry ŭ hałoŭnych rolach. Jana raspaviadaje pra paru, jakaja pierajazdžaje ŭ sielskuju miascovaść i sutykajecca z tajamničaj siłaj, što ŭpłyvaje na ich cieły i adnosiny. Premjera adbyłasia na fiestyvali Sundance u studzieni, u ZŠA i Aŭstralii film vyjšaŭ u lipieni, atrymaŭšy dobryja vodhuki (90% na sajcie kinaahladaŭ Rotten Tomatoes).

Ale jak tolki ŭ Kitai pačalisia papiarednija pakazy, hledačy zaŭvažyli, što sceny z seksualnymi i aholenymi epizodami byli padkarektavanyja. U internecie raspaŭsiudzilisia skrynšoty, jakija paraŭnoŭvali aryhinalnuju viersiju z kitajskaj.

Pavialičyć

Tvar adnaho z mužčyn u hiej-pary byŭ zamienieny na žanočy, kab stvaryć uražańnie hieterasieksualnych adnosin. Taksama byli vydaleny ŭsie zhadki pra adnapołaje kachańnie. Akramia taho, cenzary źmianili i inšyja sceny: naprykład, kab schavać aholenaje cieła, jany dadali paru ad haračaj vady.

ADAM AND STEVE TO ADAM AND EVE

Here's a use of AI I bet you never thought of! The horror film “Together” featured a gay couple in a peripheral role (see below) that got magicked into a straight couple in the Chinese edition.

No spoilers, but this definitely makes the film make… pic.twitter.com/bsxw5019uj

— Angelica ⚛️ (@AngelicaOung) September 17, 2025

Reakcyja ŭ kitajskich sacyjalnych sietkach była vielmi niehatyŭnaj. Na papularnaj płatformie Douban karystalniki pisali: «Heta ŭžo nie prosta pytańnie kupiur — heta skažeńnie i padmiena sensu».

Inšyja kamientatary zaŭvažali: «Heta prosta skandał u śviecie kino… Kali vy nastolki nietalerantnyja, to i nie treba było kuplać film dla prakatu. Heta absalutnaja niepavaha da čužoj mastackaj tvorčaści».

Suśvietny dystrybjutar filma, kampanija Neon, asudziŭ hetyja źmieny, zajaviŭšy, što nie «ŭchvalaŭ hetaha niesankcyjanavanaha redahavańnia (…) i patrabuje spynić raspaŭsiud» źmienienaj viersii.

Jak paviedamlaje Bloomberg, niezrazumieła, chto zrabiŭ mantaž — ci heta byŭ previentyŭny akt samacenzury z boku miascovych dystrybjutaraŭ ci pramy zahad rehulataraŭ.

Adnak z-za krytyki, što raspaŭsiudziłasia ŭ sacyjalnych sietkach, kitajski dystrybjutar filma prypyniŭ jaho šyroki prakat za dzień da zapłanavanaj premjery, spasłaŭšysia na «źmieny ŭ płanie raspaŭsiudžvańnia filma».

Hety vypadak — nie pieršy, kali ŭ Kitai vykarystoŭvajuć štučny intelekt dla cenzury. Naprykład, u filmie «Opienhiejmier» na aholenuju hierainiu Fłorens Pju «nadzieli» čornuju sukienku, zhienieravanuju ŠI.

Cenzura ŁHBT-kantentu źjaŭlajecca zvyčajnaj praktykaj u krainie, dzie adnapołyja šluby nie pryznajucca, a sama tema zastajecca tabujavanaj. Niahledziačy na dekryminalizacyju homaseksualnaści ŭ 1997 hodzie, u apošnija hady ŭłady Kitaja ŭzmacniajuć cisk na ŁHBT-supolnaść. Naprykład, ź lutaha byli aryštavanyja jak minimum 30 aŭtarak hiej-eratyčnych tvoraŭ, amal usie jany — žančyny va ŭzroście kala 20 hadoŭ.

• 1
• 0
• 6
• 0
• 0
• 0
• 3
• 0