Z 1 pa 17 vieraśnia ŭ Biełaruś z Rasii była dastaŭlenaja bujnaja partyja bojeprypasaŭ z arsienałaŭ Hałoŭnaha rakietna-artyleryjskaha ŭpraŭleńnia Ministerstva abarony RF na artyleryjskija bazy Ministerstva abarony Biełarusi, daviedałasia Supolnaść čyhunačnikaŭ Biełarusi. Pavodle najaŭnaj infarmacyi, pastaŭki nie byli źviazany z sumiesnymi stratehičnymi vučeńniami «Zachad-2025».
Pa stanie na 17 vieraśnia ŭ Biełaruś prybyli jak minimum dva vajskovyja ešałony, jakija pieravozili vyklučna vybuchovyja materyjały.
Pieršy ešałon adpraviŭsia sa stancyi Butylicy va Uładzimirskaj vobłaści na stancyju Asipovičy-I i składaŭsia z 11 vahonaŭ:
- 1 kryty vahon dla pravadnikoŭ;
- 5 paŭvahonaŭ-prykryćciaŭ (pustyja vahony, što vykarystoŭvajucca dla achovy hruzu);
- 5 krytych vahonaŭ z vybuchovymi materyjałami.
Ahulnaja masa vybuchovych materyjałaŭ aceńvajecca prykładna ŭ 275—300 ton. Pierasiačeńnie dziaržaŭnaj miažy Rasii i Biełarusi adbyłosia praź miždziaržaŭny stykavy punkt Krasnoje (Rasija) — Asinaŭka (Biełaruś). Adpraŭnikam byŭ 2161‑y centralny arsienał (vajskovaja čaść 96570), a atrymalnikam u Asipovičach — 1405‑ia artyleryjskaja baza bojeprypasaŭ (vajskovaja čaść 42707).
Druhi ešałon adpraviŭsia sa stancyi Kuženkina ŭ Ćviarskoj vobłaści na stancyju Centralit, što na zachodniaj uskrainie Homiela, i składaŭsia z 20 vahonaŭ:
- 1 kryty vahon dla pravadnikoŭ;
- 14 krytych vahonaŭ z vybuchovymi materyjałami;
- 5 paŭvahonaŭ z vybuchovymi materyjałami (zvyčajna tam pieravoziacca kantejniery z rakietnym uzbrajeńniem).
Ahulnaja masa hruza aceńvajecca prykładna ŭ 1 000—1 070 ton. Pierasiačeńnie dziaržaŭnaj miažy Rasii i Biełarusi rabiłasia praź miždziaržaŭny stykavy punkt Zaviarežža — Jeziaryšča. Adpraŭnikam byŭ 93‑ci arsienał Hałoŭnaha rakietna-artyleryjskaha ŭpraŭleńnia Ministerstva abarony RF (vajskovaja čaść 55443-TD), atrymalnikam na stancyi Centralit — 1393‑ci artyleryjski skład bojeprypasaŭ (vajskovaja čaść 52208).
Pavodle papiaredniaj infarmacyi, u najbližejšy čas mohuć adbycca novyja adpraŭki na hetyja artyleryjskija bazy Ministerstva abarony Biełarusi.
Rasija ŭdaskanaliła ataki dronami — zabiaśpiečvać tył ukraincam stanovicca ciažej
Minabarony: Na vučeńniach «Zachad-2025» adpracavanyja ŭsie pastaŭlenyja zadačy
Litva: Situacyja padčas vučeńniaŭ «Zachad» spakojnaja, niezakonnaja mihracyja skaraciłasia
Na vučeńniach «Zachad-2025» adpracoŭvali źniščeńnie dyviersantaŭ
Ciapier čytajuć
23‑hadovy achoŭnik z Astraŭca zahinuŭ za Rasiju na vajnie. Pavajavaŭ jon, vidać, kala miesiaca16
23‑hadovy achoŭnik z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary
ŭ ich tam časta harać arsienały
a ŭ Biełarusi pakul cicha.
Sa svaich śpiecschovaŭ ich viazuć tolki
a) na ŭtylizacyju
b) bližej da miesca vykarystańnia, da miesca płanavanych bajavych dziejańniaŭ.
Utylizoŭvać rasijskija snarady i rakiety tysiačami ton ŭ Biełarusi niama mahčymaści i niama sensu.
Pieramiaščeńnie kankretnych snaradaŭ i rakiet pakazvaje dzie i jakija zapłanavanyja bajavyja dziei.
Supraćpavietranuju abaronu NATO ŭ Polščy, Hiermanii, Estonii ŭžo pratestavali.