25 krasavika ŭ minskim kaściole Śviatych Symona i Aleny adbyłasia jaje prezientacyja.
25 krasavika ŭ minskim kaściole Śviatych Symona i Aleny adbyłasia jaje prezientacyja.
Jak adznačyła składalnica i redaktarka vydańnia, kandydat fiłałahičnych navuk, dacentka Minskaha dziaržaŭnaha linhvistyčnaha univiersiteta Ała Sakałoŭskaja, paetyčnyja zborniki Baradulina, jaki «jak pisaŭ, tak i piša», nie drukavalisia na praciahu dziesiaci hadoŭ. Jana ličyć simvaličnym toje, što mienavita Čyrvony kaścioł spyniŭ hetaje zabyćcio i za apošnija piać hadoŭ vydaŭ dzieviać knih słavutaha paeta. U apošniuju,
Paet Hienadź Buraŭkin zaznačyŭ, što ŭsie knihi Baradulina stali źjavaj u biełaruskaj litaratury, a taksama ŭ dušy i losach mnohich ludziej. Pavodle jaho słoŭ, z kožnaj knihaj Baradulin mianiaŭsia i ŭzvyšaŭsia. «I kali pieršyja jaho zborniki pierapoŭnieny ziamnymi realijami i pačućciami, dyk ź ciaham času paet stanovicca duchoŭna bahatym, duchoŭna strohim i duchoŭna addanym. Ja chaču pakłanicca Bohu za toje, što jon padaryŭ nam hienij Baradulina. Ja chaču pakłanicca Baradulinu za toje, što jon svoj Božy dar addaŭ rodnaj Biełarusi», — skazaŭ Buraŭkin.
Litaraturaznaŭca Piatro Vasiučenka vykazaŭ udziačnaść probašču Čyrvonaha kaścioła,ksiondzu-mahistru Uładzisłavu Zavalniuku i Ale Sakałoŭskaj za vydańnie «dzieviaciknižža» Baradulina, kanceptualnym centram jakoha ŭjaŭlajecca kniha duchoŭnaj paezii «Ksty», a Palarnaj zorkaj — «Chałodnaja pamiać vady».
Paet Siarhiej Zakońnikaŭ padkreśliŭ, što paetyčnaja spadčyna Baradulina, jakaja ŭvabrała ŭsie lepšyja jakaści ajčynnaha paetyčnaha słova ad Franciška Skaryny da siońniašniaha dnia, apraŭdvaje prysutnaść biełaruskaj nacyi na płaniecie Ziamla.
Hienieralny sakratar Kanfierencyi katalickich biskupaŭ Biełarusi, dapamožny biskup
Baradulin vykazaŭ udziačnaść vydaŭcam jaho knih i arhanizataram prezientacyi, a zatym pračytaŭ svoj vierš «Kaścioł».
Kamientary