Kitajskaje telebačańnie prymusiła Reuters vydalić videa, na jakim Pucin ź Si Czińpinam razvažajuć pra nieŭmiručaść
Centralnaje telebačańnie Kitaja (CTK) prymusiła ahienctva Reuters vydalić videa, dzie zafiksavany dyjałoh pamiž prezidentam Rasii Uładzimiram Pucinym i staršynioj KNR Si Czińpinam pra praciahvańnie terminu žyćcia i mahčymaść amal dasiahnuć nieŭmiručaści. Razmova trapiła ŭ efir padčas tranślacyi vajskovaha paradu ŭ Piekinie.
Kitajski bok zajaviŭ, što mantaž Reuters, maŭlaŭ, parušyŭ umovy licenzii i «skaziŭ sens» aryhinalnych kadraŭ. Ahienctva atrymała aficyjnaje patrabavańnie źniščyć rolik i paviedamić klijentam pra zabaronu jaho dalejšaha vykarystańnia. Reuters pry hetym nastojvaje, što žurnalisckija standarty abjektyŭnaści byli zachavanyja.
Čatyrochchvilinnaje videa paśpieła abyjści suśvietnyja ŚMI.
U im hučyć fraza Si Czińpina pra toje, što ciapier ludzi žyvuć daŭžej, a ŭ 70 hadoŭ jašče ličacca maładymi. Pucin adkazaŭ, što bijatechnałohii chutka raźvivajucca i praz transpłantacyju orhanaŭ čałaviek moža dasiahać značna bolšaj praciahłaści žyćcia, navat «nieŭmiručaści». Si adznačyŭ, što niekatoryja prahnazujuć mahčymaść žyć da 150 hadoŭ.
Paźniej sam Pucin paćvierdziŭ hety dyjałoh, zhadaŭšy, što padobnyja temy niekali aktyŭna ŭzdymaŭ były premjer-ministr Italii, užo niabožčyk Silvia Bierłuskoni. Pavodle jaho słoŭ, sučasnaja miedycyna i chirurhija dajuć čałaviectvu šaniec spadziavacca na značnaje padaŭžeńnie aktyŭnaha žyćcia.
Ci sapraŭdy pierasadka orhanaŭ padoryć nieŭmiručaść? Voś što kaža miedycyna pra płany Pucina i Si
Pucin i Si abmiarkoŭvali, jak dažyć da 150 hadoŭ. Mikrafon byŭ nie vyklučany
U Piekinie prajšoŭ maštabny vajskovy parad. Lidar KNR zajaviŭ, što Kitaj nie spynić
«Navat u dumkach nie było». U Kramli zajavili, što Pucin, Si i Kim nie plali zmovu suprać ZŠA
Ciapier čytajuć
Śviatłana Cichanoŭskaja zaviała treds. Što joj pišuć biełarusy?7
Kamientary