Кітайскае тэлебачанне прымусіла Reuters выдаліць відэа, на якім Пуцін з Сі Цзіньпінам разважаюць пра неўміручасць
Цэнтральнае тэлебачанне Кітая (ЦТК) прымусіла агенцтва Reuters выдаліць відэа, дзе зафіксаваны дыялог паміж прэзідэнтам Расіі Уладзімірам Пуціным і старшынёй КНР Сі Цзіньпінам пра працягванне тэрміну жыцця і магчымасць амаль дасягнуць неўміручасці. Размова трапіла ў эфір падчас трансляцыі вайсковага параду ў Пекіне.
Кітайскі бок заявіў, што мантаж Reuters, маўляў, парушыў умовы ліцэнзіі і «сказіў сэнс» арыгінальных кадраў. Агенцтва атрымала афіцыйнае патрабаванне знішчыць ролік і паведаміць кліентам пра забарону яго далейшага выкарыстання. Reuters пры гэтым настойвае, што журналісцкія стандарты аб’ектыўнасці былі захаваныя.
Чатыроххвіліннае відэа паспела абыйсці сусветныя СМІ.
У ім гучыць фраза Сі Цзіньпіна пра тое, што цяпер людзі жывуць даўжэй, а ў 70 гадоў яшчэ лічацца маладымі. Пуцін адказаў, што біятэхналогіі хутка развіваюцца і праз трансплантацыю органаў чалавек можа дасягаць значна большай працягласці жыцця, нават «неўміручасці». Сі адзначыў, што некаторыя прагназуюць магчымасць жыць да 150 гадоў.
Пазней сам Пуцін пацвердзіў гэты дыялог, згадаўшы, што падобныя тэмы некалі актыўна ўздымаў былы прэм'ер-міністр Італіі, ужо нябожчык Сільвіа Берлусконі. Паводле яго слоў, сучасная медыцына і хірургія даюць чалавецтву шанец спадзявацца на значнае падаўжэнне актыўнага жыцця.
Ці сапраўды перасадка органаў падорыць неўміручасць? Вось што кажа медыцына пра планы Пуціна і Сі
Пуцін і Сі абмяркоўвалі, як дажыць да 150 гадоў. Мікрафон быў не выключаны
У Пекіне прайшоў маштабны вайсковы парад. Лідар КНР заявіў, што Кітай не спыніць
«Нават у думках не было». У Крамлі заявілі, што Пуцін, Сі і Кім не плялі змову супраць ЗША
Бульба-фітнэс: беларусы паказваюць у сацыяльных сетках, колькі бульбы выкапалі сёлета5
Каментары