Parušalnikam zakona na kancercie Karža ŭ Varšavie moža pahražać departacyja
Tyja, chto parušyŭ zakon na kancercie Maksa Karža ŭ Varšavie 9 žniŭnia, buduć pakaranyja. Im taksama moža pahražać departacyja z Polščy, paviedamiŭ ministr unutranych spraŭ i administracyi Marcin Kierviński, piša «Biełsat».
«Usie, chto parušyŭ zakon padčas hetaha kancertu, buduć pakaranyja. Kali hetyja asoby parušyli zakon takim čynam, što niama harantyi, što jany znoŭ nie parušać zakon u Polščy, my abaviazkova prymiem zachady dla viartańni hetych ludziej u krainu pachodžańnia», — zajaviŭ ministr.
Pavodle jaho, «palicyja budzie dziejničać rašuča i žorstka». Ministr taksama skazaŭ, što rasśledujecca sprava «troch ściahoŭ, što nosiać prykmiety tatalitarnych», jakija fanaty prynieśli na kancert. Zaraz pravaachoŭniki zajmajucca vyśviatleńniem asobaŭ hetych ludziej.
Pavodle polskaj palicyi, na kancercie Maksa Karža, jaki prajšoŭ 9 žniŭnia, 109 čałaviek zatrymali za pravaparušeńni i złačynstvy, u tym liku za zachoŭvańnie narkotykaŭ, parušeńnie niedatykalnaści cieła rabotnikaŭ achovy, pranos piratechničnych srodkaŭ i praniknieńnie na terytoryju masavaj imprezy. Palicyjanty aštrafavali 50 čałaviek na ahulnuju sumu 11 450 złotych. U sud byli nakiravanyja 38 chadajnictvaŭ ab pakarańni. Kolki siarod zatrymanych i pakaranych hramadzianaŭ Biełarusi, nie ŭdakładniajuć.
Na šmatlikich videa z kancertu było vidać, jak fanaty Karža praryvalisia z trybunaŭ na pole — u fan-zonu. Rabotniki achovy sprabavali ich spynić, ale fanaty ŭciakali i vyryvalisia. Na adnym ź videa było bačna, što achoŭnika pavalili na ziamlu. Praz pavodziny fanataŭ kancert pahražali skasavać, pačatak zatrymali na paŭtary hadziny.
U polskich miedyjach i sacsietkach šmat abmiarkoŭvajuć pavodziny fanataŭ biełaruskaha śpievaka. Kažuć, takoha na kancertach na Nacyjanalnym stadyjonie jašče nie było. Asobnuju chvalu krytyki vyklikaŭ čorna-čyrvony ściah ukrainskich nacyjanalistaŭ, jaki ŭ Polščy asacyjujuć najpierš z Ukrainskaj paŭstanckaj armijaj i Vałynskaj trahiedyjaj padčas Druhoj suśvietnaj vajny.
Na kancercie Karža varšaŭskaja palicyja zatrymała 109 čałaviek. I praviaraje łozunhi, jakija hučali na stadyjonie
Arhanizatary kancerta Karža prysłali eks-palitźniavolenaj zaprašalnyja kvitki
«Uschodni hihant», a sceny na kancercie — «vartyja Dante». Jak upłyvovaje polskaje vydańnie raskazała pra Maksa Karža palakam
«Nakolki naša burbałka z pahardaj stavicca da zvyčajnych biełarusaŭ». U fejsbuku spračajucca pra Maksa Karža
«Cimbierłejk, schadzi pakury!» Chto ź viadomych biełarusaŭ pryjšoŭ na kancert Karža
Žychary Varšavy aburanyja pavodzinami fanataŭ Maksa Karža napiaredadni kancerta
«Nie vajnie!» Jak Maks Korž razryvaŭ Varšavu i pra što kazaŭ na svaim kancercie? REPARTAŽ
«U Viciebsku zachodziŭ u tralejbus i kazaŭ «Słava Ukrainie!». Ukrainca ŭ 67 hadoŭ pasadzili za kamienty, napisanyja paśla hibieli chrosnaj dački pad abstrełam u Kijevie1010
Kamientary
ty načalnik , ja durak , ja načalnik - ty dukak