Arhanizatary kancerta Karža prysłali eks-palitźniavolenaj zaprašalnyja kvitki
Arhanizatary kancerta Maksama Karža prysłali eks-palitźniavolenaj Antaninie Kanavałavaj zaprašalnyja kvitki. Kancert prajšoŭ u subotu, 9 žniŭnia, u Varšavie.
«My pryvykli sudzić ludziej pa ich učynkach. Chtości źviartaje ŭvahu na toje, što čałaviek havoryć, chtości — na toje, što pra jaho pišuć. Pierad vami — zaprašalnyja bilety i niekalki fota i videa z kancerta Maksa Karža. Hetyja bilety majuć svaju asablivuju historyju.
Kali ja pryjechała ŭ Varšavu, bilety ŭžo byli raskupleny, pieraprodažaŭ jašče nie było, i ja vyrašyła napisać kancertnamu dyrektaru, paprasiła dapamahčy ź biletami, nie biaspłatna. Nie chaciełasia ryzykavać i kuplać z ruk», — napisała Antanina Kanavałava ŭ svaim fejsbuku.
U liście jana raspaviała trochi pra svaju historyju, i praz dva tydni na jaje poštu pryjšło paviedamleńnie — zaprašalnyja bilety.
«Mnie zdajecca, hetym žestam Korž skazaŭ pra siabie bolš, čym možna pračytać u lubych artykułach», — napisała jana.
«Ščyra skažu: zvarot da polskaha boku mnie nie spadabaŭsia. Kali ja pačuła frazu «palityka — heta palityka», mnie stała niaŭtulna, i navat uźnikła žadańnie syści, ale finał viečara ŭsio pieraviarnuŭ. Jaho słovy da biełarusaŭ, mahutnaje skandavańnie «Spyni vajnu!», na trybunach ja čuła: «Pucin — ch***ło!» i «Łukašenka — p*s!» Biełarusy, jakija padniali naš ściah, vy nievierahodnyja! Ja hanarusia vami! Naš ściah na hałoŭnym ekranie pakazali nie adzin raz. Heta byŭ viečar, poŭny supiarečnaściaŭ: ad rasčaravańnia da honaru, ad sumnievaŭ da pačućcia adzinstva. Ci mahu ja skazać Koržu vialiki dziakuj? Tak, mahu!», — dadała Antanina Kanavałava.
«Nie vajnie!» Jak Maks Korž razryvaŭ Varšavu i pra što kazaŭ na svaim kancercie? REPARTAŽ
«Cimbierłejk, schadzi pakury!» Chto ź viadomych biełarusaŭ pryjšoŭ na kancert Karža
«Nakolki naša burbałka z pahardaj stavicca da zvyčajnych biełarusaŭ». U fejsbuku spračajucca pra Maksa Karža
«Uschodni hihant», a sceny na kancercie — «vartyja Dante». Jak upłyvovaje polskaje vydańnie raskazała pra Maksa Karža palakam
«Rasijanie zajzdrościać uzroŭniu biełaruskaha adzinstva»
Ciapier čytajuć
Achviary intehracyi. Rasija biaspłatnymi pucioŭkami i praz Rassupracoŭnictva zavablivaje biełaruskich dziaciej22
Kamientary