Арганізатары канцэрта Каржа прыслалі экс-палітзняволенай запрашальныя квіткі
Арганізатары канцэрта Максама Каржа прыслалі экс-палітзняволенай Антаніне Канавалавай запрашальныя квіткі. Канцэрт прайшоў у суботу, 9 жніўня, у Варшаве.
«Мы прывыклі судзіць людзей па іх учынках. Хтосьці звяртае ўвагу на тое, што чалавек гаворыць, хтосьці — на тое, што пра яго пішуць. Перад вамі — запрашальныя білеты і некалькі фота і відэа з канцэрта Макса Каржа. Гэтыя білеты маюць сваю асаблівую гісторыю.
Калі я прыехала ў Варшаву, білеты ўжо былі раскуплены, перапродажаў яшчэ не было, і я вырашыла напісаць канцэртнаму дырэктару, папрасіла дапамагчы з білетамі, не бясплатна. Не хацелася рызыкаваць і купляць з рук», — напісала Антаніна Канавалава ў сваім фэйсбуку.
У лісце яна распавяла трохі пра сваю гісторыю, і праз два тыдні на яе пошту прыйшло паведамленне — запрашальныя білеты.
«Мне здаецца, гэтым жэстам Корж сказаў пра сябе больш, чым можна прачытаць у любых артыкулах», — напісала яна.
«Шчыра скажу: зварот да польскага боку мне не спадабаўся. Калі я пачула фразу «палітыка — гэта палітыка», мне стала няўтульна, і нават узнікла жаданне сысці, але фінал вечара ўсё перавярнуў. Яго словы да беларусаў, магутнае скандаванне «Спыні вайну!», на трыбунах я чула: «Пуцін — х***ло!» і «Лукашэнка — п*с!» Беларусы, якія паднялі наш сцяг, вы неверагодныя! Я ганаруся вамі! Наш сцяг на галоўным экране паказалі не адзін раз. Гэта быў вечар, поўны супярэчнасцяў: ад расчаравання да гонару, ад сумневаў да пачуцця адзінства. Ці магу я сказаць Коржу вялікі дзякуй? Так, магу!», — дадала Антаніна Канавалава.
«Не вайне!» Як Макс Корж разрываў Варшаву і пра што казаў на сваім канцэрце? РЭПАРТАЖ
«Цімберлэйк, схадзі пакуры!» Хто з вядомых беларусаў прыйшоў на канцэрт Каржа
«Наколькі наша бурбалка з пагардай ставіцца да звычайных беларусаў». У фэйсбуку спрачаюцца пра Макса Каржа
«Усходні гігант», а сцэны на канцэрце — «вартыя Дантэ». Як уплывовае польскае выданне расказала пра Макса Каржа палякам
«Расіяне зайздросцяць узроўню беларускага адзінства»
Цяпер чытаюць
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку2222
Каментары