Na miažy z Polščaj biełaruskija pamiežniki zatrymali hramadzianina Aŭstryi, u jakoha znajšli marychuanu. Mužčyna jechaŭ u Biełaruś za rulom aŭtamabila razam z žonkaj i dziećmi, pryčym znachodziŭsia pad upłyvam narkotykaŭ, paviedamlaje Dziaržaŭny pamiežny kamitet.
Incydent adbyŭsia naprykancy lipienia ŭ punkcie propusku «Brest». Słužbovy sabaka adreahavaŭ na pach zabaronienaha rečyva, jakoje było ŭ kišeni pasažyra.
Paśla pravierki ŭ 46-hadovaha aŭstryjca znajšli cyharetu z marychuanaj, a miedycynskaje abśledavańnie pakazała, što narkotyk byŭ i ŭ jahonym arhaniźmie. Ekśpiertyza paćvierdziła najaŭnaść 0,56 hrama marychuany.
Vyśvietliłasia taksama, što ŭ 2021 hodzie mužčynu ŭžo zatrymlivali ŭ Hiermanii za padobnaje złačynstva.
Suprać jaho raspačatyja dźvie kryminalnyja spravy — za niezakonny ŭvoz i zachoŭvańnie narkotykaŭ. Jamu pahražaje da 7 hadoŭ pazbaŭleńnia voli.
Ciapier čytajuć
«Pra sustreču Łuku zaŭsiody prasili pieradać Pucinu». Šuster raskazaŭ, jak Łukašenka prapanoŭvaŭ svaje pasłuhi amierykancam9
Kamientary